Nude Dance: ఛీ, ఛీ..! పదో తరగతి ఫేర్వెల్ పార్టీలో అశ్లీల నృత్యాలా..! చూస్తే షాక్ తింటారు..!
Nude Dance: ఛీ, ఛీ..! పదో తరగతి ఫేర్వెల్ పార్టీలో అశ్లీల నృత్యాలా..! చూస్తే షాక్ తింటారు..!
పదో తరగతి పరీక్షలు దగ్గర పడుతున్న క్రమంలో పలు స్కూళ్లలో ఫేర్వెల్ పార్టీలు నిర్వహిస్తున్నారు. ఈ వేడుకల్లో విద్యార్థులు ఎలా ప్రిపేర్ అవ్వాలి.. ఏ విధంగా మంచి మార్కులు సాధించాలి.. అనే విషయాలపై ఉపాధ్యాయులు సూచనలు చేస్తారు. అలాంటి ఫేర్వేల్ పార్టీలో రికార్డింగ్ డ్యాన్సులు ఏర్పాటు చేయడం చర్చనీయాంశమైంది. మార్చిలో పదో తరగతి పరీక్షలు జరగనుండటంతో.. విద్యార్థుల్లో మానసిక స్థైర్యాన్ని నింపేందుకు పలు పాఠశాలల్లో ఫేర్వెల్ పార్టీలు నిర్వహిస్తున్నారు. వచ్చే పరీక్షలకు విద్యార్థులు ఎలా ప్రిపేర్ కావాలి, ఏ విధంగా మంచి మార్కులు సాధించాలి.. అనే విషయాలపై టీచర్లు మోటివేషన్ చేస్తారు. అయితే.. అలాంటి ఫేర్వేల్ పార్టీలో రికార్డింగ్ డ్యాన్సులు ఏర్పాటు చేయడం పట్ల విమర్శలు వెల్లువెత్తుతున్నాయి. ఆంధ్రప్రదేశ్ లోని పార్వతీపురం మన్యం జిల్లాలో చోటుచేసుకుంది. ఫేర్వేల్ పార్టీలో వార్డెన్ అశ్లీల నృత్యాలు ఏర్పాటు చేయడంతో అధికారులు ఒక్కసారిగా షాకయ్యారు. దీంతో ఆశ్రమ పాఠశాల వార్డెన్పై వేటు వేశారు..
పార్వతీపురం మన్యం జిల్లా కురుపాం మండలం నీలకంఠపురం బాలుర ఆశ్రమ పాఠశాలలో రెండు రోజుల క్రితం పదవ తరగతి విద్యార్థుల వీడ్కోలు కార్యక్రమం జరిగింది. ఈ కార్యక్రమంలో వార్డెన్ అశ్లీల నృత్యాలు ఏర్పాటు చేశారు. వార్డెన్ చంద్రశేఖర్ సమక్షంలో అర్ధరాత్రి వరకు రికార్డింగ్ డ్యాన్సులు కొనసాగాయి. ఈ కార్యక్రమం వీడియోలు వైరలయ్యాయి. దీనిపై విద్యార్థుల తల్లిదండ్రులు, స్థానికులు మండిపడుతున్నారు. దీంతో జిల్లా కలెక్టర్ ఆదేశాలతో విచారణ చేపట్టిన డిడి విజయశాంతి.. నీలకంఠపురం బాలుర ఆశ్రమ పాఠశాల వార్డెన్ చంద్రశేఖర్ను సస్పెండ్ చేశారు.
