Girl freind Shocks: మూడేళ్లు ప్రేమించుకున్నారు.. పెళ్లికి ప్లాన్‌ చేసుకున్నారు.. ప్రియురాలి ఇచ్చిన షాక్‌తో ప్రియుడు..!

వాళ్లిద్దరూ గత మూడేళ్లుగా ప్రేమించుకుంటున్నారు. త్వరలో ప్రేమికుల రోజుని ఘనం జరుపుకోవాలని అనుకొని, తన ప్రియురాలి కోసం ఖరీదైన గిఫ్ట్‌లు కూడా కొన్నాడు. కానీ అనూహ్యంగా అమ్మాయి వేరే యువకుడితో పెళ్లి సంబంధం కుదుర్చుకుంది. ‘త్వరలోనే నా పెళ్లి. నా పెళ్లికి నువ్వు రావాలి. ఇదిగో చూడు నా పెళ్లి నగలు, పెళ్లి చీర అంటూ ప్రియుడికి చూపించింది. ఆ పెళ్లి చీర చూసి తట్టుకోలేని ప్రియుడు ఆత్మహత్యకు పాల్పడ్డాడు. బెంగళూరులో కిరణ్‌ అనే యువకుడు బిల్డర్‌, జిమ్‌ ట్రైనర్‌గా విధులు నిర్వహిస్తున్నారు. అయితే కిరణ్‌..ఓ యువతిని మూడేళ్లుగా ప్రేమిస్తున్నాడు. త్వరలోనే వీరిద్దరూ పెళ్లి చేసుకోవాలని అనుకున్నారు. త్వరలో జరగబోయే ఫిబ్రవరి 14 వేడుకలకు, ప్రియురాలి కోసమని ప్రియుడు ఖరీదైన గిఫ్ట్‌లు కొన్నాడు. అయితే సడెన్‌గా ఏమైందో మరి, ఆ యువతి మరో యువకుడిని పెళ్లి చేసుకునేందుకు సిద్ధమైంది. ఈ విషయం ప్రియుడు కిరణ్‌కు చెప్పింది. తన పెళ్లి కోసం పెట్టుకునే నగలు, కట్టుకునే చీరను ప్రియుడికి చూపించింది. ఇది చూసిన కిరణ్‌ ఒక్కసారిగా కుప్పకూలిపోయాడు. 15 రోజులుగా పూర్తిగా, మానసికంగా కృంగిపోయాడు. కిరణ్‌లో డిప్రెషన్‌ పెరిగిపోయింది.

ఈ క్రమంలో శనివారం రాత్రి తన ఇంట్లో ఆత్మహత్య చేసుకుని ప్రాణాలు కోల్పోయాడు. ఆత్మహత్యకు ముందు పేపర్‌, పెన్ను కావాలని తల్లిని అడిగాడు, దీంతో తల్లి ఎందుకు అని అనుమానంగా అడిగింది. ఆర్ధిక వివరాలు రాయాలని,పెన్ను,పేపర్‌ అడిగి తీసుకున్నాడు. అనంతరం ఇంటి గదిలోకి వెళ్లి సూసైడ్‌ లెటర్‌ రాశాడు. ప్రాణం తీసుకున్నాడు. గదిలోకి వెళ్లిన కిరణ్‌ ఎంతసేపటికి బయటకు రాకపోవడంతో కుటుంబసభ్యులకు అనుమానం వచ్చింది.డోర్లు బలవంతంగా ఓపెన్‌ చేసి చూడగా.. తాడుకు వేలాడుతూ నిర్జీవంగా కనిపించాడు. సమాచారం అందుకున్న పోలీసులు ఘటన స్థలానికి చేరుకున్నారు. సూసైడ్‌ నోటీను స్వాధీనం చేసుకున్నారు. దాంట్లో స్పష్టంగా తన ఆత్మహత్యకు యువతి, ఆవిడ తల్లే కారణమని పేర్కొన్నాడు. తనని సైతం పెళ్లికి రావాలని, ఇందుకోసం కొనుగోలు చేసిన నగదు,దుస్తులు కిరణ్‌కి చూపించడంతో తట్టుకోలేని ప్రాణం తీసుకుంటున్నట్లు పేర్కొన్నాడు. మూడేళ్లుగా గాఢంగా ప్రేమించానని, తనకు యువతి చేసిన మోసం తట్టుకోలేక ఆత్మహత్య చేసుకుంటున్నట్లు రాశాడు.