four jobs: ఒకే దెబ్బకు నాలుగు ఉద్యోగాలు కొట్టిన మహిళ..!

ఒకేసారి నాలుగు ఉద్యోగాలు సాధించింది ఓ మహిళ. ఎల్‌ఐసీలో అసిస్టెంట్ అడ్మినిస్ట్రేటివ్ ఆఫీసర్‌గా కూడా మూడు దఫాలు ఇంటర్వ్యూలు పూర్తి చేసుకొని నాలుగో రౌండ్ ఇంటర్వ్యూ కోసం చూస్తోంది. శ్రీకాకుళం జిల్లా పెంటూరుకు చెందిన పొందూరు కుమారి ఒకేసారి నాలుగు ఉద్యోగాలకు ఎంపికైంది. బడబంద గ్రామానికి చెందిన పొందూరు వైకుంఠరావు, భారతమ్మల చిన్న కూతురు అయిన కుమారిని పెంటూరుకు చెందిన నడుపూరు హరీష్‌ కు ఇచ్చి 2022లో వివాహం జరిపించారు. భర్త ఏఆర్‌ కానిస్టేబుల్‌గా విజయవాడలో పనిచేస్తుండడంతో భార్య కూడా విజయవాడలోనే కోచింగ్‌ సెంటర్‌లో చేరి ఉద్యోగాలకు ప్రిపేర్ అయింది. పోటీ పరీక్షలు రాసి రీజనల్‌ రూరల్‌ బ్యాంక్‌(ఆర్‌ఆర్‌బీ) పీవో, ఆర్‌ఆర్‌బీ క్లర్క్, ఎస్‌బీఐ క్లర్క్, ఐబీపీఎస్‌ క్లర్క్‌(కెనరా బ్యాంకు)గా నాలుగు ఉద్యోగాలు పొందటమే, కాకుండా ఎల్‌ఐసీ అసిస్టెంట్‌ అడ్మినిస్ట్రేటివ్‌ ఆఫీసర్‌గా మూడు విడత ఇంటర్వ్యూలు పూర్తి చేసుకొని చివరి విడత ఇంటర్వ్యూకు ఎదురు చూస్తోంది. అయితే వీటిలో రీజనల్‌ రూరల్‌ బ్యాంకు పీవోగా విధుల్లో చేరుతానని ఆమె తెలిపింది. తన భర్త హరీష్‌ ఇచ్చిన సహకారంతోనే ఈ ఉద్యోగాలు సాధించానని కుమారి తెలిపారు.