Vijay Deverakonda : రౌడీ టార్గెట్‌గా కొన్ని వెబ్‌సైట్లలో పదేపదే కథనాలు..!
"కింగ్డమ్" సినిమా విజయ్ దేవరకొండ హీరోగా, గౌతమ్ తిన్ననూరి దర్శకత్వంలో విడుదలైన యాక్షన్ స్పై థ్రిల్లర్.
"కింగ్డమ్" సినిమా విజయ్ దేవరకొండ హీరోగా, గౌతమ్ తిన్ననూరి దర్శకత్వంలో విడుదలైన యాక్షన్ స్పై థ్రిల్లర్. సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్‌పై నిర్మితమైన ఈ చిత్రంలో భాగ్యశ్రీ బోర్సే, సత్యదేవ్, వెంకటేష్ ముఖ్య పాత్రల్లో నటించారు. సినిమా మొదటి భాగం ఒక డ్యూయాలజీ (రెండు భాగాల కథ)లో భాగంగా రూపొందింది. సూరి (విజయ్ దేవరకొండ) ఒక కానిస్టేబుల్, 18 ఏళ్లుగా తన అన్న శివ (సత్యదేవ్) కోసం వెతుకుతూ శ్రీలంకలో అండర్‌కవర్ ఆపరేషన్‌లో పాల్గొంటాడు. విజయ్ నటన, ముఖ్యంగా ఎమోషనల్ సీన్స్‌లో, ఆకట్టుకుంది. సత్యదేవ్ తన పాత్రలో అద్భుతంగా నటించాడు, వెంకటేష్ స్మగ్లింగ్ కార్టెల్ నాయకుడిగా మెప్పించాడు. భాగ్యశ్రీ బోర్సే పాత్రకు పెద్దగా ప్రాధాన్యత లేదు, కేవలం కొన్ని సీన్స్‌లో కనిపిస్తుంది.
విజయ్ దేవరకొండ యాక్షన్, ఎమోషనల్ సీన్స్‌లో నటనకు ప్రశంసలు దక్కాయి. అనిరుధ్ రవిచందర్ నేపథ్య సంగీతం సినిమాకు ప్రధాన బలం, సన్నివేశాలను ఎలివేట్ చేసింది. గిరీష్ గంగాధరన్, జోమోన్ టి. జాన్ సినిమాటోగ్రఫీ అద్భుతంగా ఉంది, శ్రీలంక లొకేషన్స్‌ను సమర్థవంతంగా చూపించారు. ఫస్ట్ హాఫ్ ఆకర్షణీయంగా, ఎంగేజింగ్‌గా సాగింది. సెకండ్ హాఫ్ కొంత డ్రాగ్ అయినట్లు అనిపించింది.
కొందరు విజయ్, అనిరుధ్ పనితీరును గొప్పగా ప్రశంసించారు, రేటింగ్ 3.5/5 ఇచ్చారు. అయితే, కొందరు సెకండ్ హాఫ్‌లో నరేషన్ డల్‌గా ఉందని, ఎమోషనల్ డెప్త్ లేదని విమర్శించారు. అయితే కొందరు విజయ్‌దేవరకొండను చాలా టార్గెట్‌ చేసినట్లుగా కనిపిస్తోంది. ప్రతిరోజూ కింగ్‌డమ్‌పై నెగెటివిటీని నింపుతూ తమ వెబ్‌సైట్లలో ఆర్టికల్స్‌, రివ్యూలు రాస్తున్నారు. కలెక్షన్లు రావడం లేదని, కింగ్డమ్ మరోసారి నిరాశపర్చిందని పనిగట్టుకొని వెబ్‌సైట్లలో తమ పైత్యాన్ని చూపుతున్నారు. దీనిపై విజయ్ దేవరకొండ అభిమానులు మండిపడుతున్నారు. ఇండస్ట్రీలో విజయ్ దేవరకొండ క్రేజ్‌ను తగ్గించి చూపే ప్రయత్నంలో భాగంగానే వారు కుట్రలకు తెరలేపుతున్నారని ఆగ్రహం వ్యక్తం చేస్తున్నారు.
