India vs Pakistan : ఆసియాకప్ చరిత్రలోనే తొలిసారి ఇండియా vs పాకిస్తాన్ ఫైనల్ మ్యాచ్

ఈ నెల 28న ఆసియా కప్- 2025 ఫైనల్లో చిరకాల ప్రత్యర్థులు భారత్, పాకిస్థాన్ తలపడనున్నాయి. 41 ఏళ్ల ఆసియా కప్ చరిత్రలో ఈ రెండు జట్లు ఫైనల్లో తలపడటం ఇదే మొదటిసారి. ఈ ఎడిషన్‌లో లీగ్ దశలో జరిగిన రెండు మ్యాచ్లలోనూ భారత్ పాకిస్థాన్ పై విజయం సాధించింది. ఇప్పుడు ఆసియా కప్ ఫైనల్ పోరులో ఎవరు విజేతగా నిలుస్తారో చూడాలి. కాగా గురువారం జరిగిన సూపర్‌-4 పోరులో పాక్‌ 11 పరుగుల తేడాతో బంగ్లాదేశ్‌పై ఉత్కంఠ విజయం సాధించింది. పాక్‌ నిర్దేశించిన 136 పరుగుల లక్ష్యఛేదనలో బంగ్లా 20 ఓవర్లలో 124/9 స్కోరుకు పరిమితమైంది. ఇప్ప‌టి వ‌ర‌కు అయిదు సార్లు ఇండియా, పాక్ జ‌ట్లు ఫైన‌ల్స్‌లో త‌ల‌ప‌డ్డాయి. వాటిల్లో పాకిస్థాన్‌దే పైచేయి ఉన్న‌ది. అయితే ఈసారి చాలా స్ట్రాంగ్‌గా క‌నిపిస్తున్న టీమిండియా.. ఆదివారం ఆసియాక‌ప్ ఫైన‌ల్లో ఏం చేస్తుందో చూడాల్సిందే.