India-England 3rd Test : బాగుంది రా మామా'' నితీష్‌రెడ్డితో తెలుగులో శుభ్‌మన్‌ గిల్..!

భారత్-ఇంగ్లాండ్‌ మూడో టెస్ట్ మ్యాచ్‌ సందర్భంగా ఓ ఆసక్తికర ఘటన చోటు చేసుకుంది. లార్డ్స్‌లో జరిగిన భారత్-ఇంగ్లాండ్ మూడో టెస్టు మ్యాచ్ సందర్భంగా భారత కెప్టెన్ శుభ్‌మన్ గిల్ తెలుగు ఆల్‌రౌండర్ నితీష్ కుమార్ రెడ్డిని "బాగుంది రా మామా" అంటూ తెలుగులో ప్రశంసించాడు. ఈ సంఘటన స్టంప్ మైక్‌లో రికార్డ్ అయి, సోషల్ మీడియాలో వైరల్‌గా మారింది. నితీష్ తన తొలి ఓవర్‌లోనే ఇంగ్లాండ్ ఓపెనర్లు బెన్ డకెట్ (23), జాక్ క్రాలీ (18)లను ఒకే ఓవర్‌లో ఔట్ చేసి, అద్భుత బౌలింగ్‌తో జట్టుకు బ్రేక్ అందించాడు. మరోసారి, 16వ ఓవర్‌లో జో రూట్‌కు నితీష్ అద్భుతమైన బౌన్సర్ వేయడంతో, స్లిప్‌లో ఫీల్డింగ్ చేస్తున్న గిల్ ఈ డైలాగ్ చెప్పాడు. ఈ ఘటన ఆటగాళ్ల మధ్య స్నేహపూరిత బాండింగ్‌ను, గిల్ యొక్క తెలుగు నైపుణ్యాన్ని చాటింది. కామెంటేటర్లు కూడా గిల్‌ను నితీష్ తెలుగు బాగా నేర్పాడని నవ్వుకున్నారు. మ్యాచ్‌లో ఇంగ్లాండ్ 186/4 స్కోరుతో రోజు ముగిసింది.