Boy commits suicide: ప్రియురాలితో వీడియో కాల్ చేసి.. లైవ్లో బాలుడు ఆత్మహత్య..!
Boy commits suicide: ప్రియురాలికి వీడియో కాల్ చేసి.. లైవ్లో బాలుడు ఆత్మహత్య..!
ప్రియురాలికి వీడియో కాల్ చేసి.. లైవ్లో బాలుడు ఆత్మహత్య..!
ప్రియురాలితో వీడియోకాల్ మాట్లాడుతూ బాలుడు ఉరివేసుకొని మృతి చెందిన ఘటన మేడ్చల్ మల్కాజ్గిరి జిల్లా మేడిపల్లిలో జరిగింది. పోలీసులు వెల్లడించిన వివరాల ప్రకారం.. బోడుప్పల్లోని అయ్యప్ప దేవాలయం సమీపంలో ఓ ప్రైవేట్ ఉద్యోగి కుమారుడు గంగాధరి అభినవ్ (17) ఐటీఐ చదువుతున్నాడు. మేడిపల్లిలోని మహేంద్ర కార్ షోరూంలో ప్రాక్టికల్ ట్రైనింగ్ చేస్తున్నాడు. ఈ నెల 5న తల్లిదండ్రులు షాపింగ్ కోసమని బయటకు వెళ్లారు. బాలుడు ఇంట్లోనే ఒంటరిగా ఉన్నాడు. ఈ క్రమంలో తన క్లాస్మేట్, ప్రియురాలికి వీడియోకాల్ చేసి ఆత్మహత్య చేసుకుంటున్నానని బెదిరించాడు. చున్నీతో అభినవ్ ఉరి వేసుకోవడం చూసిన బాలిక.. వెంటనే అతని స్నేహితులకు సమాచారం అందించింది. స్నేహితులు వెంటనే బాలుని ఇంటికి చేరుకుని తలుపు బలవంతంగా తెరిచి.. అతన్ని ఓ ప్రైవేట్ ఆసుపత్రికి తరలించారు. అక్కడ చికిత్స పొందుతూ అభినవ్ మృతి చెందినట్లు పోలీసులు తెలిపారు. తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు మేడిపల్లి పోలీసులు తెలిపారు.
