Harish Rao : సబితారెడ్డి పట్ల పోలీసుల వైఖరిపై హరీష్‌రావు ఆగ్రహం..!
నిన్న బాలాపూర్‌లో రేషన్ కార్డుల పంపిణీ సందర్భంగా జరిగిన గందరగోళంలో మాజీ మంత్రి సబితాఇంద్రారెడ్డి పట్ల పోలీసులు వ్యవహరించిన తీరును ట్విట్టర్‌ వేదికగా హరీష్‌రావు ఖండించారు.
నిన్న బాలాపూర్‌లో రేషన్ కార్డుల పంపిణీ సందర్భంగా జరిగిన గందరగోళంలో మాజీ మంత్రి సబితాఇంద్రారెడ్డి పట్ల పోలీసులు వ్యవహరించిన తీరును ట్విట్టర్‌ వేదికగా హరీష్‌రావు ఖండించారు.''మొట్ట మొదటి మహిళా హోంమంత్రి, సీనియర్ శాసన సభ్యురాలు అయిన సబితా ఇంద్రారెడ్డి గారి పట్ల కాంగ్రెస్ ప్రభుత్వం వ్యవహరించిన తీరును తీవ్రంగా ఖండిస్తున్నాం. ఇందిరమ్మ రాజ్యం అని చెప్పుకుంటూ మహిళా సభ్యురాలి పట్ల ఇంత కర్కశంగా, అవమానకరంగా వ్యవహరించడం సిగ్గుచేటు. రేషన్ కార్డుల విషయంలో ప్రభుత్వాన్ని నిలదీయడమే సబిత గారు చేసిన తప్పా? మంత్రి సమక్షంలోనే కాంగ్రెస్ నాయకులు వీధి రౌడీలుగా బెదిరింపులకు పాల్పడుతుంటే అడ్డుకోవాల్సిన పోలీసులు వారితో కలిసి మహిళా ఎమ్మెల్యే పై దౌర్జన్యానికి పాల్పడడం దుర్మార్గం. సబిత గారిపై అనుచితంగా, అమర్యాదగా ప్రవర్తించిన పోలీసులపై వెంటనే చర్యలు తీసుకోవాలి. హోంమంత్రిగా కూడా ఉన్న ముఖ్యమంత్రి రేవంత్ రెడ్డి వెంటనే క్షమాపణలు చెప్పాలి. కాంగ్రెస్ తాటాకు చప్పుళ్లకు, రౌడీ మూకల దాడులకు BRS భయపడదు. మిమ్మల్ని నిలదీస్తూనే ఉంటం. ప్రజాక్షేత్రంలో మీ వైఫల్యాలను ఎండగడుతూనే ఉంటం'' అని ఆయన ఆగ్రహం వ్యక్తం చేశారు.
