KTR : T-HUBకు సరిగ్గా పదేళ్లు.. స్టార్టప్‌లకు క్యాపిటల్‌ అన్న KTR

టీ-హబ్ స్థాపనతో హైదరాబాద్ స్టార్టప్ రాజధానిగా ఎదిగిందని కేటీఆర్ అన్నారు. హైదరాబాద్ స్టార్టప్ క్యాపిటల్ ఆఫ్ ఇండియాగా టీ-హబ్ మార్చిందని.. టీ-హబ్ ఏర్పాటు ఐటీ శాఖ మంత్రిగా తాను చేసిన ఇష్టమైన కార్యక్రమాల్లో ఒకటి అన్న కేటీఆర్. టీ-హబ్ వ్యవస్థాపక దినోత్సవం సందర్భంగా అభినందనలు తెలిపిన కేటీఆర్. నవంబర్ 5, 2015, టీ-హబ్ స్థాపన దినోత్సవాన్ని పురస్కరించుకొని కేటీఆర్ టీ-హబ్ వలన ఇది భారతదేశంలోని స్టార్టప్ ఎకోసిస్టమ్‌లో అగ్రగామిగా తెలంగాణ ఎదగడానికి పునాది వేసిందన్నారు. కేసీఆర్ దూరదృష్టి గల నాయకత్వంలో, మేము ఒక సమగ్రమైన ఆవిష్కరణల వ్యవస్థను (ఇన్నోవేషన్ ఎకోసిస్టమ్‌ను) నిర్మించామని, ఇది హైదరాబాద్‌ను భారతదేశపు స్టార్టప్ రాజధానిగా మార్చిందని కేటీఆర్ అన్నారు.

ఒక సమగ్రమైన ఇన్నోవేషన్ ఎకోసిస్టమ్‌ను ఏర్పాటు చేసే లక్ష్యంతో తాము చేపట్టిన విజన్‌లో టీ-హబ్ కేవలం మొదటి అడుగు మాత్రమే అని, దాని తర్వాత వీ-హబ్ (We-Hub), తెలంగాణ రాష్ట్ర ఇన్నోవేషన్ సెల్ (TSIC), టీ-వర్క్స్ (T-Works), తెలంగాణ అకాడమీ ఫర్ స్కిల్ అండ్ నాలెడ్జ్ (TASK), ఎమర్జింగ్ టెక్నాలజీస్ వింగ్, మరియు రీసెర్చ్ అండ్ ఇన్నోవేషన్ సర్కిల్ ఆఫ్ హైదరాబాద్ (RICH) వంటి సంస్థలను ఏర్పాటు చేసినట్లు కేటీఆర్ తెలిపారు. ఇవన్నీ తెలంగాణ ఇన్నోవేషన్ వ్యవస్థను సాటిలేనిదిగా తయారుచేశాయన్నారు. టీ-హబ్ ఏర్పాటు రోజున రతన్ టాటా గారు 'టీ-హబ్ ఆధునిక భారతదేశ ముఖచిత్రంగా నిలుస్తుంది' అని చెప్పిన మాటలను కేటీఆర్ ఈ సందర్భంగా గుర్తు చేశారు.

ఒక విశాలమైన, విస్తృతమైన విజన్ పునాదిగా... ఒక చిన్న ఇంక్యుబేటర్‌గా ప్రారంభమై, ప్రస్తుత స్థాయికి టీ-హబ్ ఎదగడం ఒక గొప్ప ప్రయాణం అన్నారు. గత దశాబ్దంలో టీ-హబ్ సాధించిన విజయం ఐటీ మంత్రిగా తనకు అత్యంత గర్వించదగిన క్షణాలలో ఒకటి అని కేటీఆర్ వ్యాఖ్యానించారు. అనేక ఆవిష్కరణలను నడిపిస్తూ, వందలాది టెక్ స్టార్టప్‌లు వాటి పూర్తి సామర్థ్యాన్ని చేరుకోవడానికి స్ఫూర్తిని, బలాన్ని ఇస్తున్న టీ-హబ్‌ను, దాని ప్రస్థానాన్ని అభినందిస్తున్నట్లు కేటీఆర్ తెలిపారు.