State debts skyrocket: ఆకాశానికి రాష్ట్ర అప్పులు, తగ్గిపోయిన ఆదాయం.. వడ్డీపై కాకి లెక్కలు..!

తెలంగాణ ప్రభుత్వానికి ​ఈ ఆర్థిక సంవత్సరంలో 10 నెలలు గడిచినా రాష్ట్ర ఆదాయ (Telangnaa Income) లక్ష్యం.. 60.23 శాతమే లభించింది. జనవరి - 2026 కాగ్ నివేదిక స్పష్టం చేసింది. కాంగ్రెస్ పాలనలో రాష్ట్ర రాబడి పడిపోతుంది. ఈ ఆర్థిక సంవత్సరంలో జనవరి వరకు రూ.1.38, 711 కోట్ల ఆదాయం మాత్రమే వచ్చింది. ఇక ఫిబ్రవరి, మార్చి కలుపుకుంటే మరో 20 వేల కోట్లు అంటే, ఆదాయం అంచానా కంటే భారీగా పడిపోనుంది. మరోవైపు ఈ ఏడాది మొత్తానికి రూ.54 వేల కోట్లు అప్పులు (Telangana State Debits) తీసుకోవాలని ప్రతిపాదించగా ఇప్పటికే రూ.69,187 కోట్ల అప్పును ప్రభుత్వం తీసుకుంది. అంటే FRBM పరిమితిని తెలంగాణ వచ్చిన 12 ఏళ్లలో తొలిసారి దాటేసెంది సర్కార్. ఇంకో రెండు నెలల్లో ఎన్ని వేల కోట్లు తీసుకుంటుందో చూడాలి.

అయితే గత ప్రభుత్వం అప్పుల్లో రాష్ట్రాన్ని దివాళా తీయించిందని వాటిపై వడ్డీ చెల్లించేందుకే నెలకు రూ.5,000 కోట్ల వడ్డీ అని ఒకరు, రూ.5,500 కోట్ల వడ్డీ అని ఒకరు, రూ.6,500 కోట్ల వడ్డీ అని మరొకరు, రూ.7,000 కోట్ల వడ్డీ అని ఇంకొకరు చెప్తూ వచ్చారు. అయితే ​జనవరి - 2026 కాగ్ నివేదిక ప్రకారం గత 10 నెలల్లో కాంగ్రెస్ ప్రభుత్వం కట్టిన వడ్డీ అక్షరాలా రూ.24,085.22 కోట్లు మాత్రమే, అంటే సగటున నెలకు కట్టింది రూ.2,408.52 కోట్లే!

​కాగ్ నివేదికను ఒక్క మాటలో చెప్పాలంటే.."ఆదాయం మూరెడు.. ఖర్చులు బారెడు"