Telangana schools; తెలంగాణ స్కూళ్లకు ఈ వారంలో 4 రోజులు సెలవులు..!

ఈనెల 11న తెలంగాణలో మున్సిపల్‌ ఉన్నందున ఆరోజున స్కూళ్లకు సెలవు ప్రకటించింది ప్రభుత్వం. అలాగే ఈనెల 13న కౌంటింగ్‌ ఉండడంతో ఆరోజు కూడా సెలవు ప్రకటించింది. ఇక 14న రెండో శనివారం, 15న ఆదివారం కావటంతో ఈ వారంలో విద్యార్ధులకు నాలుగు సెలవులు వచ్చాయి. అయితే ఈ సెలవులు మున్సిపల్ ఎన్నిక లు జరుగుతున్న ప్రాంతాలకే పరిమితం కానున్నాయి. రాష్ట్ర వ్యాప్తంగా 116 మున్సిపాల్టీలు, ఏడు కార్పోరేషన్లలో ఎన్నికలు జరగనున్నాయి. ఈ రోజు సాయంత్రంతో ఎన్నికల ప్రచారం ముగియ నుంది. పోలింగ్ కోసం ఎన్నికల సంఘం తుది ఏర్పాట్లు చేస్తోంది. పలు స్కూళ్లను పోలింగ్ కేంద్రాలుగా ఏర్పాటు చేసారు. దీంతో పాటుగా 11వ తేదీన రాష్ట్ర వ్యాప్తంగా ఎన్నికల సంఘం అన్ని ప్రభుత్వ, ప్రైవేట్‌ కార్యాలయాలు.. విద్యా సంస్థలకు సెలవు ప్రకటించింది. విద్యా సంస్థల్లో పోలింగ్‌తో పాటు పలు చోట్ల 13న కౌంటింగ్ చేయడంతో అలాంటి చోట్ల 13వ తేదీన కూడా విద్యా సంస్థలకు సెలవు రానుంది.