Harish fires back at Revanth! ఆంధ్రోళ్ల బూట్లు తుడిచే నీకు కేసీఆర్‌ గురించి ఏం తెలుసు..? హౌలా మాటలు బంద్‌ చేయ్‌: రేవంత్‌పై హరీష్‌ఫైర్..!

తెలంగాణ అమరవీరుల స్మారక ట్రస్టు ఆధ్వర్యంలో హైదరాబాద్ బంజారాహిల్స్‌లోని రావి నారాయణ రెడ్డి ఆడిటోరియంలో ఘనంగా ‘రావి నారాయణ రెడ్డి జాతీయ పురస్కార’ ప్రదానోత్సవ కార్యక్రమం సోమవారం నిర్వహించారు. ఈ కార్యక్రమంలో మాట్లాడుతూ మరోసారి కేసీఆర్‌ను ఉద్దేశించి తన అక్కసును వెళ్ల గక్కారు. కొందరు జాతిపిత అని వాళ్లకు వాళ్లే చెప్పుకుంటున్నరు అని ఏదేదో మాట్లాడారు. దీనిపై బీఆర్‌ఎస్‌ పార్టీ కూడా తీవ్రంగానే స్పందించింది. గాంధీ జాతిపిత అని తనకు తాను చెప్పుకోలేదని, ప్రజలు పిలుచుకుంటారని, అలాగే కేసీఆర్‌ కూడా తనకు తాను జాతిపిత అని చెప్పుకోలేదని, ప్రజలు పిల్చుకుంటారని కౌంటర్‌ ఇచ్చింది

అయితే రేవంత్‌రెడ్డి వ్యాఖ్యలపై బీఆర్‌ఎస్‌ అగ్ర నేత హరీష్‌రావు తీవ్ర ఆగ్రహం వ్యక్తం చేశారు. ఎక్స్‌ వేదికగా ఆయన పోస్ట్ చేస్తూ.. '' జస్టిస్ సుదర్శన్ రెడ్డి గారు హేట్ స్పీచ్‌ (Hate Speech) పై హితబోధ చేసిన కొద్ది నిమిషాలు కూడా గడవకముందే, అదే వేదికపై రేవంత్ రెడ్డి తన అసలు స్వభావాన్ని, తన మాటల ద్వారానే బయటపెట్టుకున్నారు. హేట్ స్పీచ్‌పై ఉపన్యాసం ముగియకముందే, రేవంత్ రెడ్డి హేట్ స్పీచ్‌కు లైవ్ డెమో ఇచ్చారు. కేసీఆర్ గారిపై కడుపులో కత్తులు, నోటిలో విషం పెట్టుకున్న రేవంత్ రెడ్డి తన అజీర్తిని, అక్కసును మరోసారి బయటపెట్టారు. హేట్ స్పీచ్ అంటే ఏమిటో చెప్పడానికి పుస్తకాలు అవసరం లేదు.. రేవంత్ రెడ్డి ప్రసంగాలు చాలు, అమెరికా వెళ్లి హార్వర్డ్ లో నాలుగు రోజులు చదువుకున్నా.. రేవంత్ రెడ్డి తన వెనకటి గుణం మాత్రం మార్చుకోలేదు. కనీస సంస్కారం రాలేదు, చిల్లర మాటల్లో, వెకిలి చేతల్లో ఎలాంటి మార్పు రాలేదు.

ద్వేష రాజకీయాలకు, నరం లేని నాలుకతో విషం చిమ్మే కుసంస్కారానికి నిలువెత్తు నిదర్శనం రేవంత్ రెడ్డి. దేశానికి గాంధీ గారు జాతిపిత అయినట్లే, తెలంగాణను సాధించిన కేసీఆర్ గారు జాతి పితనే రేవంత్ రెడ్డి, నాలుగు కోట్ల ప్రజలు ఏకమై స్వరాష్ట్రం కోసం కొట్లాడుతుంటే ఆంధ్రా పాలకుల బూట్లు తుడుస్తున్న నీకు కేసీఆర్ గారి గురించి, తెలంగాణ ఉద్యమం గురించి ఎలా తెలుస్తుంది? ఉద్యమకారులపైకి తుపాకి ఎక్కుపెట్టిన నీకు ఉద్యమకారుల గురించి మాట్లాడే హక్కు ఉందా రేవంత్ రెడ్డి? ప్రశ్నిస్తే, నిలదీస్తే అరెస్టులు, కేసులతో నిరంకుశంగా వ్యవహరిస్తున్న నీకు ప్రజాస్వామ్య విలువల గురించి మాట్లాడే హక్కు ఉందా రేవంత్ రెడ్డి? అధికారాన్ని ప్రజల బాగు కోసం కాకుండా, ప్రతిపక్షాలపై రాజకీయ కక్షల కోసం వినియోగిస్తున్న నీకు అధికార దుర్వినియోగం గురించి మాట్లాడే హక్కు ఉందా రేవంత్ రెడ్డి? లక్కీ లాటరీలో ముఖ్యమంత్రి అయిన నీకు ఇవన్నీ ఎలా తెలుస్తాయి? ఎలా అర్థం అవుతాయి రేవంత్ రెడ్డి? నువ్వు హార్వర్డ్ వెళ్ళినా, అంతరిక్షం వెళ్ళినా నీ చెత్త బుద్ధి మారదు, నోటి మురికి పోదు అన్నది సుస్పష్టం'' అంటూ హరీష్‌రావు దుయ్యబట్టారు.