Talli ki Vandanam : ఆ తేదీన తల్లికి వందనం డబ్బులు.. చంద్రబాబు కీలక ప్రకటన..!

తల్లికి వందనం స్కీం కింద డబ్బులు ఎప్పుడు వేస్తారనే విషయంలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు(Chandrababu Naidu) కీలక ప్రకటన చేశారు. ఈ స్కీం ద్వారా 1 నుంచి 12వ తరగతి విద్యార్థుల తల్లులకు ఏటా రూ. 15,000 ఆర్థిక సాయం అందించబడుతుంది, ఇది ఎన్డీఏ 'సూపర్ సిక్స్' హామీలలో ఒకటి. ఈ స్కీం 2025-26 విద్యా సంవత్సరం నుంచి అమలులోకి వస్తుందని, ఈ స్కీం జూన్ 12 నుంచి ఘనంగా ప్రారంభమవుతుందని తెలిపారు. కుటుంబంలో ఎంతమంది పిల్లలు ఉన్నా, ఒక్కో విద్యార్థికి రూ. 15,000 చొప్పున తల్లి బ్యాంకు ఖాతాలో జమ చేయబడుతుంది. 1 నుంచి 12వ తరగతి చదువుతున్న విద్యార్థుల తల్లులు, 75% హాజరు తప్పనిసరి ఉండాలని షరతు విధించారు. వైఎస్ జగన్ మోహన్ రెడ్డి(Ys Jagan), ఈ స్కీం అమలులో జాప్యం చేస్తున్నారని చంద్రబాబుపై విమర్శలు చేశారు. 2024-25 విద్యా సంవత్సరంలో డబ్బులు ఇవ్వకుండా వాయిదా వేశారని ఆరోపించారు. గతంలో YSRCP అమలు చేసిన అమ్మ ఒడి స్కీం కింద రూ. 26,067 కోట్లు 44.48 లక్షల తల్లులకు అందించారని, దానితో పోలిస్తే తల్లికి వందనం స్కీం ఆలస్యమవుతోందని విమర్శించారు.