Thopudurthi vs Paritala Sunitha : పరిటాల సునీత-తోపుదుర్తి ప్రకాష్‌రెడ్డి వివాదం ఏంటి..!

పరిటాల సునీత-తోపుదుర్తి ప్రకాష్ రెడ్డి మధ్య వివాదం రాప్తాడు నియోజకవర్గంలో దీర్ఘకాలంగా నడుస్తున్న రాజకీయ పోటీ, వ్యక్తిగత ఆరోపణల చుట్టూ తిరుగుతోంది. ఈ ఇద్దరూ రాప్తాడు నుంచి ఎమ్మెల్యేలుగా ఎన్నికైనవారు. ఒకరిపై ఒకరు తీవ్ర విమర్శలు చేసుకుంటూ వస్తున్నారు. ఇప్పుడు వీరిద్దరి మధ్య వివాదం మరింత తీవ్రమైంది. తోపుదుర్తి ప్రకాష్ రెడ్డి(Thopudurthi Prakash Reddy), వైఎస్సార్‌సీపీ నాయకుడిగా, పరిటాల సునీత(Paritala Sunitha )పై ఘాటు విమర్శలు చేశారు. ఆయన సునీతను ఉద్దేశించి, "నీ భర్త (Paritala Ravi) హత్యలు బయటకు తెలిసేలా చేస్తే, నువ్వు మహానటిలా నటిస్తూ హత్యలు చేయిస్తున్నావు" అని ఆరోపించారు. అలాగే, "లింగమయ్య హత్య( Lingamaiah Murder)తో నీ రాజకీయ జీవితం ముగిసింది" అని, 2029 తర్వాత సునీత శాసనసభలో కనిపించరని వ్యాఖ్యానించారు. దీనికి ప్రతిస్పందనగా, టీడీపీ మద్దతుదారులు, సునీత అనుచరులు తోపుదుర్తి ప్రకాష్ రెడ్డిని లక్ష్యంగా చేసుకున్నారు. సునీత నాలుగు సార్లు ఎమ్మెల్యేగా గెలిచారు, అదే నీవు నాలుగు సార్లు పోటీ చేసి మూడు సార్లు ఓడావు" అంటూ ప్రకాష్ రెడ్డి రాజకీయ ఓటములను ఎత్తి చూపారు. ఇది వారి మధ్య వ్యక్తిగత దూషణలను మరింత రెచ్చగొట్టింది. పరిటాల రవి హత్యలో వైఎస్ జగన్‌మోహన్ రెడ్డి పాత్ర ఉందని ఆరోపిస్తూ, రాజకీయంగా వైఎస్సార్‌సీపీని టార్గెట్ చేస్తున్నారు. రాజకీయల లబ్ధి కోసమే సునీత మాట్లాడుతున్నారని వైసీపీ విమర్శిస్తోంది. ఇటీవల రామగిరిలో వైసీపీ కార్యకర్త లింగమయ్య హత్య ఈ వివాదాన్ని మరింత ఉద్ధృతం చేసింది. ఈ వివాదం రాయలసీమలో ఫ్యాక్షన్ రాజకీయాలు, పాత వైరాలు, బయటపడ్డాయని సమాచారం. ఈ అంశం స్థానిక రాజకీయాల్లో తీవ్ర చర్చనీయాంశంగా మారింది.