Police officer's extramarital affair: బ్యూటీషియన్‌తో పోలీస్‌ అధికారి వివాహేతర సంబంధం, వాడుకొని వదిలించుకోవాలని చూస్తున్న ''పోలీస్ బాస్''..!

బ్యూటీషియన్‌తో పోలీస్‌ అధికారి వివాహేతర సంబంధం, వాడుకొని వదిలించుకోవాలని చూస్తున్న పోలీస్ బాస్..! బిడ్డకు జన్మనిచ్చిన తర్వాత డబ్బు ఆశ చూపించి వదిలించుకునేందుకు ప్రయత్నం. తనకు న్యాయం చేయాలంటూ ఉన్నాధికారులను మహిళ వేడుకొంటున్న వైనం విజయనగరం జిల్లాలో వెలుగులోకి వచ్చింది. విజయనగరం జిల్లాలో ఈ వ్వవహారం ఇప్పుడు చర్చనీయాంశమైంది. ఓ ఇన్‌స్పెక్టర్‌ స్థాయి అధికారి వ్యవహారం హాట్‌ టాపిక్‌గా మారింది. న్యాయం చేయాల్సిన పోలీసులే, అన్యాయానికి పాల్పడుతున్నారని చర్చ నడుస్తోంది. వివరాల్లోకి వెళ్తే గంట్యాడలో ఓ మహిళ బ్యూటీ పార్లర్‌ నడుపుతోంది. విజయనగరం వన్‌టౌన్‌ పీఎస్‌లో ఓ పోలీస్ అధికారి ఆమెను ట్రై చేసుకున్నాడు. అది ఇద్దరి మధ్య ప్రేమకు దారితీసింది. ఆ తర్వాత షరా మామూలే, ఆ మహిళ ఓ బిడ్డకు జన్మనిచ్చింది. ఇంతలోనే అతనికి భార్య, పిల్లలు ఉన్న విషయాన్ని బ్యుటీషియన్‌ తెలుసుకుంది. తనకు న్యాయం చేయాలంటూ ఆమె చేయని ప్రయత్నం లేదట. ఈ విషయంపై ఉన్నతాధికారులకు ఫిర్యాదు చేయగా ఎంతో కొంత ఇచ్చి చేతులు దులుపేసుకుందామని సదరు పోలీస్‌ ఆఫీసర్‌ ప్రయత్నిస్తున్నాడని తెలిసింది. తనకు డబ్బు వద్దని, తనను, తన బిడ్డను సాదుకోవాలని ఆమె పట్టుబట్టింది. ఇంతలోనే ఆ ఎస్సై మరోచోటుకు బదిలీ కావడం, ఆమెకు దూరంగా ఉండడం, ఆమెను కలవకపోవడంతో ఆమె ఏకంగా ఐజీ దగ్గరే పంచాయతీ పెట్టిందని వినికిడి. ఇక ఇదే విషయంపై తనకు రక్షణ కావాలంటూ ఓ మహిళ విజయనగరం వన్‌ టౌన్‌ పోలీస్‌ స్టేషన్‌లో ఫిర్యాదు చేసింది. తాను సీఐగా చార్జ్‌ తీసుకోక ముందు అప్పటి ఇన్‌చార్జ్‌ సీఐగా ఉన్నప్పుడు ఫిర్యాదు వచ్చింది. దీనిపై ఎఫ్‌ఐఆర్‌ నమోదైంది. క్షేత్రస్థాయిలో విచారణ జరుపుతున్నామని ఇన్‌స్పెక్టర్‌ చౌదరి తెలిపారు.