Vijayawada Gril: చిన్నారిపై కన్న తండ్రి ఓ వైపు, మేనమామ మరోవైపు... లైంగిక వేధింపులు భరించలేక బాలిక..!
Vijayawada Gril: చిన్నారిపై కన్న తండ్రి ఓ వైపు, మేనమామ మరోవైపు... లైంగిక వేధింపులు భరించలేక బాలిక..!
తన కన్న కూతురిని ఎంతో అపరూపంగా చూసుకోవాల్సిన తండ్రి కామంధుడి అవతారమెత్తాడు. తండ్రి తర్వాత తండ్రి అనుకునే మేనమామ కూడా ఇదే అదునుగా మేనకోడలిపై కన్నేశాడు. కామ పిశాచిలా మారిన తండ్రి కొన్ని రోజులుగా కూతురుపై అఘాయిత్యానికి పాల్పడ్డాడు. కొన్నేళ్లుగా విజయవాడ జక్కంపూడి కాలనీలో సాగుతున్న ఈ దారుణ కీచకపర్వం బాధితురాలి స్నేహితురాలు, ఓ టీచర్ చొరవతో వెలుగుచూసింది. కామోన్మాదులు ఇద్దరికీ స్థానికులు దేహశుద్ధి చేసి పోలీసులకు అప్పగించారు. పోలీసులు తెలిపిన వివరాల ప్రకారం ఏలూరు రోడ్డు ప్రాంతానికి చెందిన ఓ కుటుంబం జక్కంపూడి కాలనీకి వచ్చి ఉంటుంది. ఆ కుటుంబంలో ఓ ఆడపిల్ల ఉంది. అయితే తండ్రి పనిచేసి వచ్చిన డబ్బుతో మద్యం తాగి జల్సాలు చేసేవాడు. దీంతో తల్లి భర్త నుంచి దూరంగా వెళ్లిపోయింది. బాలిక తండ్రి వద్దే ఉంటోంది. ఆ పాప ఆలనాపాలన స్థానికులతోపాటు మేనత్త చూసుకోవడంతో స్థానిక ప్రభుత్వ ఉన్నత పాఠశాలలో చదువుకుంటోంది.
ఈ క్రమంలో రోజూ మద్యం తాగి ఇంటికి వస్తున్న తండ్రి కన్ను బాలికపై పడింది. ఆ బాలిక తండ్రి మూడు నెలల క్రితం చెల్లెలు వరసయ్యే బావమరిది భార్యతో అసభ్యకరంగా ప్రవర్తించడంతో ఆమె వారుంటున్న ఇంటి నుంచి దూరంగా వెళ్లిపోయింది. అప్పటి నుంచి మూడు నెలలుగా బాలికపై తండ్రి లైంగికదాడికి పాల్పడేవాడు. విషయం ఎవరికైనా చెబితే చంపుతానని బెదిరించేవాడు. ఇలా కొద్ది రోజులు గడిచిన తర్వాత అర్ధరాత్రి రెండు గంటల తర్వాత మేనమామ ఇంటికి వచ్చి బాలికపై అఘాయిత్యానికి పాల్పడేవాడు.
రోజూ చీకటి పడేసరికి బాలిక కంగారుపడడం, భయం భయంగా ఉండడంతో అదే బ్లాక్లో నివసిస్తున్న స్నేహితురాలికి అనుమానం వచ్చి ఏం జరిగిందని అడిగింది. దీంతో బాలిక బోరున విలపిస్తూ తనకు జరగుతున్న అన్యాయాన్ని మొరపెట్టుకుంది. ఆ స్నేహితురాలు గురువారం సాయంత్రం స్కూల్ టీచర్కు విషయం చెప్పడంతో ఆమె వెంటనే కృష్ణలంకలో ఉన్న సీడబ్ల్యూసీ అధికారులకు సమాచారం అందించారు. వారు శుక్రవారం ఉదయం జక్కంపూడి కాలనీకి వచ్చి బాలికను ప్రశ్నించగా, జరిగిన విషయం వాస్తవమేనని తేలింది.
విషయం తెలుసుకున్న స్థానికులు ఆగ్రహంతో తమ మధ్యే ఉన్న మానవ మృగాలు తండ్రి, మేనమామకు దేహశుద్ధి చేశారు. ఇంతలో కొత్తపేట పోలీసులు ఘటనా స్థలికి చేరుకుని బాలిక తండ్రిని, మేనమామను పోలీస్ స్టేషన్కు తరలించారు. బాలికను ప్రజ్వల హోమ్కు తరలించారు. కొత్తపేట సీఐ కొండలరావు బాలిక నుంచి వివరాలు తీసుకున్నారు.
