YS Jagan : వైఎస్ జగన్ పై కేసు

ఆంధ్రప్రదేశ్ మాజీ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్‌మోహన్ రెడ్డి(Ys jagan)పై తాజాగా ఒక సంచలన కేసు నమోదైంది. గుంటూరు జిల్లా సత్తెనపల్లిలో జగన్ పర్యటన సందర్భంగా జరిగిన రోడ్డు ప్రమాదంలో చిల్లి సింగయ్య(Chilli Singaiah) అనే 55 ఏళ్ల వైసీపీ కార్యకర్త మృతి చెందిన ఘటనలో, జగన్ కాన్వాయ్‌లోని వాహనం ఢీకొనడమే కారణమని వీడియో ఆధారాలతో సహా బయటపడింది. ఈ ఘటన రాష్ట్ర రాజకీయాల్లో తీవ్ర కలకలం రేపింది.

జూన్ 18, 2025న పల్నాడు జిల్లా రెంటపాళ్ల(Rentapalli)లో వైసీపీ కార్యకర్త నాగమల్లేశ్వరరావు విగ్రహావిష్కరణ కార్యక్రమంలో పాల్గొనేందుకు జగన్ సత్తెనపల్లి పర్యటనకు వెళ్లారు. ఈ సందర్భంగా ఏటూకురు బైపాస్ వద్ద జగన్ కాన్వాయ్‌లోని ఒక వాహనం సింగయ్యను ఢీకొంది. సింగయ్య తీవ్రంగా గాయపడి, చికిత్స నిమిత్తం ఆస్పత్రికి తరలించగా మృతి చెందాడు. ఈ ఘటనలో జగన్ ప్రయాణిస్తున్న కారే సింగయ్యను ఢీకొన్నట్లు వీడియో ఆధారాలు స్పష్టం చేశాయి.

ఈ ప్రమాదంలో సింగయ్య జగన్ కారుపై పూలు చల్లేందుకు ప్రయత్నిస్తుండగా ఈ దుర్ఘటన జరిగినట్లు తెలుస్తోంది. అయితే, ఈ ఘటన తర్వాత కూడా జగన్ ర్యాలీ కొనసాగిందని, ఈ విషయం గురించి పార్టీ నాయకులు తీవ్రంగా చర్చించలేదని ఆరోపణలు వచ్చాయి.

ఈ ఘటనపై గుంటూరు పోలీసులు వెంటనే దర్యాప్తు ప్రారంభించారు. ప్రమాదం జరిగిన రోజు ఐపీసీ సెక్షన్ 304ఏ (నిర్లక్ష్యం వల్ల మరణానికి కారణమైన కేసు) కింద కేసు నమోదు చేశారు. తర్వాత, వీడియో ఆధారాలతో జగన్ కారు ఢీకొన్నట్లు నిర్ధారణ అయిన తర్వాత, ఐపీసీ సెక్షన్ 304 పార్ట్ 2 (కల్పూర్వక హత్య కాని హత్య) మరియు బీఎన్‌ఎస్ చట్టంలోని సెక్షన్ 105 కింద అదనపు సెక్షన్లు జోడించే అవకాశం ఉన్నట్లు పోలీసులు పేర్కొన్నారు.

కేసులో A1గా కారు డ్రైవర్ రమణారెడ్డి(Ramana Reddy)ని, A2గా వైఎస్ జగన్‌ను, A3గా కారు యజమానిని చేర్చారు. రమణారెడ్డిని గుంటూరు పోలీసులు అదుపులోకి తీసుకున్నారు, దర్యాప్తు కొనసాగుతోంది. ప్రమాద సమయంలో ఉన్న వీడియో ఫుటేజ్, సాక్షుల సమాచారం ఆధారంగా పోలీసులు విచారణను ముమ్మరం చేశారు.