Today Polala Amavasya:ఇవాళ పోలాల అమావాస్య... ఏం చేయాలంటే...!

ప్రతి సంవత్సరం శ్రావణ మాసంలో వచ్చే అమావాస్యను పోలాల అమావాస్య (Polala Amavasya)అంటారు. హిందూ ధర్మశాస్త్రం ప్రకారం పోలాల అమావాస్యకు ఎంతో ప్రత్యేకత ఉంది. పెళ్ళైన మహిళలు సత్సంతానం కోసం ఈ వ్రతాన్ని ఆచరిస్తారు. ముఖ్యంగా ఆడపిల్ల సంతానంగా కావాలనుకునే వారు పోలాల అమావాస్య పూజను తప్పకుండా చేయాలని పెద్దలు అంటారు. అమావాస్య తిథి ఈ రోజు (Monday) తెల్లవారు ఝామున 5:30 నిమిషాలకు మొదలై, ఆ తర్వాత రేపటి రోజు అంటే సెప్టెంబర్ 3వ తేదీన మంగళవారం ఉదయం 7:25 నిమిషాల వరకు ఉంది. కానీ ఈ పూజ చేయాలంటే రాత్రి సమయంలో అమావాస్య ఉండాలి. సోమవారం రోజు పోలాల అమావాస్య పూజను చేసుకోవాలి.

ఈ రోజుని ఒక్కో ప్రాంతంలో ఒక్కోలా జరుపుకుంటారు. కొన్ని ప్రాంతాల్లో శ్రావణ అమావాస్య రోజు పోలాల అమావాస్య వ్రతం చేస్తే..మరికొన్ని ప్రాంతాల్లో భాద్రపద అమావాస్య రోజు పోలాల అమావాస్య జరుపుకుంటారు. ఈ రోజుని మహారాష్ట్రలో పిరోరి అమావాస్య అని, ఉత్తర భారతదేశంలో హాలియా అమావాస్య అని అంటారు..