LPG Cylinder Prices : భారీగా తగ్గిన గ్యాస్ సిలిండర్ ధరలు..అమలు ఎప్పుడంటే..?

జులై 1, 2025 నుంచి దేశవ్యాప్తంగా 19 కిలోల వాణిజ్య ఎల్‌పీజీ సిలిండర్ ధరలు భారీగా తగ్గాయి. ఆయిల్ మార్కెటింగ్ కంపెనీలు(Oil Compines) ఈ సిలిండర్ల ధరలను రూ. 58.50 తగ్గించినట్లు ప్రకటించాయి. ఈ తగ్గింపు ఫలితంగా ఢిల్లీ(Delhi)లో 19 కిలోల వాణిజ్య సిలిండర్ ( Commercial Cylinder )ధర రూ. 1,723 నుంచి రూ. 1,665కి తగ్గింది. ఇతర మహానగరాల్లో కూడా ధరలు ఈ క్రింది విధంగా మారాయి: ముంబై(Mumbai)లో రూ. 1,616, కోల్‌కతా(Kalkata)లో రూ. 1,769, చెన్నై(Chennai)లో రూ. 1,823.50. ఈ కొత్త ధరలు జులై 1, 2025 నుంచి అమలులోకి వచ్చాయి.

అయితే, 14.2 కిలోల గృహ వినియోగ ఎల్‌పీజీ సిలిండర్ల ధరల్లో (LPG Cylinder Prices:) ఎలాంటి మార్పు చేయలేదని ఆయిల్ కంపెనీలు స్పష్టం చేశాయి. దీంతో సామాన్య గృహ వినియోగదారులకు ఈ తగ్గింపు ద్వారా ఎటువంటి ఊరట లభించలేదు. రానున్న నెలల్లో గృహ వినియోగ సిలిండర్ల ధరలపై సమీక్ష జరిగే అవకాశం ఉందని నిపుణులు అంచనా వేస్తున్నారు.

ఈ ధరల తగ్గింపు వాణిజ్య వినియోగదారులైన హోటల్స్, రెస్టారెంట్లు, బేకరీలు, ఇతర చిన్న స్థాయి వ్యాపార సంస్థలకు గణనీయమైన ఊరటను అందిస్తుంది. ఈ తగ్గింపు వల్ల వ్యాపార ఖర్చులు తగ్గడంతో చిన్న వ్యాపారులు, హోటల్ యాజమాన్యాలు ఉపశమనం పొందే అవకాశం ఉంది.

ఈ ధరల తగ్గింపు వరుసగా నాలుగో నెలలో జరిగిన తగ్గింపుగా నమోదైంది. ఏప్రిల్‌లో రూ. 41, మేలో రూ. 14.50, జూన్‌లో రూ. 24 తగ్గించిన తర్వాత, జులైలో రూ. 58.50 తగ్గింపు అమల్లోకి వచ్చింది. ఈ వరుస తగ్గింపులు వాణిజ్య రంగంలో ఆర్థిక ఒత్తిడిని కొంత తగ్గించాయని విశ్లేషకులు అభిప్రాయపడుతున్నారు.