Today Gold Price : మరింత తగ్గిన బంగారం ధర

పది రోజుల కిందట రికార్డు స్థాయిలో దూసుకుపోయిన బంగారం ధరలు(Gold price) అంతే వేగంతో పడిపోతున్నాయి. ఢిల్లీ బులియన్‌ మార్కెట్(delhi Boolean market) లో తులం బంగారం ధర 700 రూపాయలు తగ్గి 77 వేల రూపాయల స్థాయికి చేరుకున్నది. అంతకుముందు ఇది 77,750 రూపాయలుగా ఉన్నది. ఇక హైదరాబాద్‌లో(Hyderabad) 24 క్యారెట్‌ తులం బంగారం ధర 1,200 రూపాయలు తగ్గి 75,650 రూపాయలకు చేరుకుంది. అలాగే 22 క్యారెట్‌ ధర 1,100 రూపాయలు తగ్గి 70 వేల రూపాయలు దిగువకు పడిపోయింది. బులియన్‌ మార్కెట్‌ ముగిసే సమయానికి 69,350 రూపాయాలుగా నమోదైంది. పారిశ్రామిక వర్గాలు, నాణేల తయారీదారుల నుంచి కొనుగోళ్లు పూర్తిగా నిలిచిపోవడంతో కిలో వెండి ధర 2,310 రూపాయలు తగ్గి 90,190 రూపాయలకు చేరుకుంది. హైదరాబాద్‌లో కిలో వెండి 2,000 రూపాయలు తగ్గి 99 వేల రూపాయలుగా నమోదైంది.