Hyderabad : కోరిక తీర్చకుంటే యాసిడ్ పోస్తా.. సోదరుడే బరితెగింపు..!

ఓ వివాహితపై కన్నేసిన ఆమెకు వరుసకు సోదరుడైన యువకుడు తన గదికి వచ్చి కోరిక తీర్చకపోతే మొహంపై యాసిడ్‌( Acid) పోస్తానంటూ బెదిరించాడు. ఈ సంఘటన జూబ్లీహిల్స్‌ పోలీస్‌ స్టేషన్‌ పరిధిలో చోటు చేసుకుంది. పోలీసుల కథనం ప్రకారం వివరాలిలా ఉన్నాయి. జూబ్లీహిల్స్‌(Jubilee Hills)లోని నందగిరిహిల్స్‌లో (Nandagiri Hills)నివసించే మహిళకు (26)కు ముగ్గురు పిల్లలు ఉన్నారు. ఆమె భర్తకు దూరపు బంధువైన నవీన్‌(Naveen) అనే యువకుడు నగరంలోనే ఉంటూ ఆటో డ్రైవర్‌గా పని చేస్తున్నాడు. అప్పుడప్పుడూ ఇంటి వచ్చి వెళ్తుండేవాడు. ఆ క్రమంలో అతను ఆమెతో మాటలు కలుపుతూ తన కోరికను బయటపెట్టేవాడు. తాను అడిగింది ఇవ్వకపోతే పరువు తీస్తానంటూ బెదిరించేవాడు. రెండు నెలల క్రితం బాధితురాలు ఈ విషయం తనకు భర్తకు చెప్పడంతో అప్పటి నుంచి నవీన్‌ ఆమెకు ఫోన్‌ చేయడం ఆపేశాడు. అలా ఉంటూనే ఈ నెల 26న కొందరి వద్ద నవీన్‌ ఆమె వ్యక్తిగత ప్రతిష్టను దిగజార్చేలా ప్రచారం చేశాడు. ఆమె పనిచేస్తున్న సెలూన్‌కు వెళ్లి నువ్వు బయటకు వస్తావా..? నన్ను లోపలికి రమ్మంటావా? అంటూ బెదిరించాడు. తాను బయటకు రానని చెప్పడంతో నువ్వు నా గదికి రాకపోతే మొహంపై యాసిడ్‌ పోసి చంపేస్తానంటూ బెదిరించాడు. దీంతో ఆందోళనకు గురైన బాధితురాలు పోలీసులకు ఫిర్యాదు చేసింది. జూబ్లీహిల్స్‌ పోలీసులు నవీన్‌పై కేసు నమోదు చేసుకుని దర్యాప్తు చేస్తున్నారు.