Woman's drastic decision..! ఇంట్లో అద్దెకు దిగిన మహిళ నగ్న వీడియోలు.. లైంగికంగా వేధించిన ఓనర్.. మహిళ తీవ్ర నిర్ణయం..!

లూథియానాలోని జాగీర్‌పూర్, సుర్జీత్ కాలనీలో నివసిస్తున్న 32 ఏళ్ల వివాహిత ఇటీవల ఓ ఇంట్లో అద్దెకు దిగింది. అయితే ఆమె స్నానం చేస్తుండగా ఇంటి ఓనర్‌ నగ్న వీడియో తీశాడు. అంతేకాకుండా వీడియోతో బ్లాక్‌మెయిల్ చేయడంతో మనస్తాపానికి గురై ఆత్మహత్య చేసుకుంది. మృతురాలిని రోజీగా గుర్తించారు. ఒక రోజు రోజీ స్నానం చేస్తుండగా నిందితుడు రహస్యంగా వీడియో తీశాడని, ఆపై ఆ వీడియోతో ఆమెను బ్లాక్‌మెయిల్ చేస్తూ వేధించాడని ఆరోపణలు ఉన్నాయి. రోజీ భర్త ఉపాధి నిమిత్తం గత ఐదు నెలలుగా విదేశాల్లో ఉంటున్నారు. వీరికి ఒక కుమారుడు, ఒక కుమార్తె ఉన్నారు.

ఫిబ్రవరి 9న తన కుమార్తె ఉరివేసుకుని ఆత్మహత్య చేసుకుందనే సమాచారం అందింది. ఆమె మరణానికి ముందు తన మొబైల్ ఫోన్‌లో కొన్ని వీడియో క్లిప్‌లను రికార్డ్ చేసింది. ఆ వీడియోల్లో తన మరణానికి ఇంటి యజమాని సత్నాం కారణమని నేరుగా ఆరోపించింది. అతను తనను చాలా కాలంగా మానసిక వేధింపులకు గురిచేస్తూ, బ్లాక్‌మెయిల్ చేస్తున్నాడని తన ఆవేదనను వ్యక్తం చేసింది. కుటుంబసభ్యుల ఫిర్యాదు మేరకు దర్యాప్తులో భాగంగా టిబ్బా పోలీస్ స్టేషన్‌లో కేసు నమోదు చేసినట్లు ఏఎస్ఐ బలజీత్ సింగ్ తెలిపారు. ఈ కేసులో ఇంటి యజమాని సత్నాం మరియు అతని భార్య పుష్పపై కేసులు నమోదయ్యాయి.