Relation with a lorry driver: లారీ డ్రైవర్‌తో రంకు..! రెడ్‌హ్యాండెడ్‌గా భర్తకు దొరకడంతో...!!

లారీ డ్రైవర్‌తో వివాహేతర సంబంధానికి అడ్డొస్తున్నాడని భర్తను చేయించింది ఓ భార్యామణి. పోలీసులు తెలిపిన వివరాల ప్రకారం. కర్నాటకలోని శ్రీరంగపట్టణం తాలూకాలోని మారళగాల గ్రామ అర్చకుడు సిద్ధలింగప్ప తన అక్క కూతురు షాలినిని వివాహం చేసుకున్నాడు. ఈ జంటకు ఇద్దరు పిల్లలు ఉన్నారు. షాలినికి అదే ఊరికి చెందిన టిప్పర్‌ డ్రైవర్‌ హరీష్‌తో వివాహేతర సంబంధం ఉంది. ఒకరోజు షాలిని, హరీష్‌ శృంగారంలో చెలరేగుతుండగా భర్తకు దొరికిపోయారు. ఇలాంటి పనులు చేయరాదని భార్యను మందలించడంతో ఆమె కక్ష పెంచుకుంది. తన భర్తను చంపేయమని హరీష్‌కు సిఫార్సు చేసింది.

మార్చి 6న రాత్రి అర్చకుడు సిద్ధలింగప్ప.. కె.శెట్టిహళ్లి గణపతి దేవస్థానంలో పూజ ముగించుకుని ఇంటికి వస్తుండగా.. హరీశ్, మరో టిప్పర్‌ డ్రైవర్‌ సంతోష్‌ కుమార్‌తో కలసి గ్రామం వద్ద ఉన్న కాలువ ఏరియా నిర్మానుష్య ప్రాంతంలో అర్చకుడిని అడ్డగించారు. కట్టెలతో మోది చంపేశారు. అయితే ఈ హత్యను రోడ్డు ప్రమాదంగా చిత్రీకరించేందుకు అక్కడక్కడ అతని వస్తువులు విసిరేసి, బైక్‌ను కాలువలో పడేశారు. సీడీఎస్‌ కాలువలో సిద్ధలింగప్ప మృతదేహం లభ్యం కాగా.. ముఖానికి, తలకు గాయాలున్నాయి. ఎవరో వ్యక్తులు దాడి చేసి చంపి ఉంటారని భావించి అతడి అన్న బాలసుందర్‌ శ్రీరంగపట్టణ గ్రామీణ పోలీసు స్టేషన్‌లో ఫిర్యాదు చేశాడు.

ఫిర్యాదు మేరకు జిల్లా ఎస్పీ శోభారాణి ప్రత్యేక తనిఖీ బృందాన్ని ఏర్పాటు చేశారు. ప్రాథమిక ఆధారాలను బట్టి మార్చి 9న హరీష్‌ను పోలీసులు అదుపులోకి తీసుకుని విచారించగా.. సిద్ధలింగప్ప భార్య షాలిని, సంతోష్‌ కుమార్, గణేష్‌తో కలిసి హత్య చేసినట్లు అంగీకరించారు. షాలిని , హరీశ్, సంతోష్‌ కుమార్, గణేశ్‌ను పోలీసులు అరెస్ట్‌ చేశారు.