Father Rapes Minor Daughter : గద్వాల జిల్లాలో దారుణం.. కన్న కూతురిని తల్లిని చేసిన తండ్రి..!

కన్న కూతురిపై అత్యాచారానికి పాల్పడి గర్భవతిని చేశాడు ఓ కీచక తండ్రి. ఇందుకు సహకరించిన మొదటి భార్యను, నిందితుడిని అరెస్టు చేసిన పోలీసులు. గద్వాల జిల్లా కేంద్రంలో నివాసముంటున్న ఒక వ్యక్తి గతంలో ఒక మహిళను వివాహం చేసుకోగా, తనకు పిల్లలు పుట్టడంలేదని తన చెల్లితో భర్తకు రెండో వివాహం జరిపించింది మహిళ. రెండో భార్యకు నలుగురు సంతానం కలగగా, ఇదే సమయంలో మొదటి భార్యకు కూడా ఇద్దరు పిల్లలు జన్మించారు. ఈ క్రమంలో రెండో భార్య కూతురు(16)పై కన్నేసి, ఇంట్లో ఎవరూ లేనప్పుడు ఆమెపై పలుమార్లు అత్యాచారానికి తండ్రి పాల్పడ్డాడు. బాధితురాలు గర్భం దాల్చడంతో, విషయం బయటికి రాకుండా మొదటి భార్య బాలికకు అబార్షన్‌ చేయించింది. ఈ విషయాన్ని బాలిక స్థానికంగా ఉండే మరో మహిళకు చెప్పగా, బాధితురాలి తల్లికి విషయాన్ని ఆ మహిళ చెప్పడంతో ఘటన వెలుగులోకి వచ్చింది. బాలిక కన్న తల్లి ఫిర్యాదు మేరకు కేసు నమోదు చేసి, తండ్రి, అతని మొదటి భార్యను పోలీసులు అదుపులోకి తీసుకున్నారు.