The Wife: ఇద్దరు పిల్లల ఉండగా ప్రియుడితో లేచిపోయిన భార్య.. భర్త ఏంచేశాడో తెలిస్తే షాక్..!

జగిత్యాల పట్టణంలో మహాశివరాత్రి పర్వదినానా వ్యక్తిని దారుణంగా హత్య చేశారు. పోలీసులు తెలిపిన వివరాల ప్రకారం జగిత్యాల రూరల్‌ మండలం వడ్డెరకాలనీకి చెందిన లక్ష్మీకి గతంలో వడ్డెరకాలనీకి చెందిన గంగాధర్‌తో వివాహం కాగా ఇద్దరు పిల్లలు ఉన్నారు. అయితే 9 నెలల క్రితం లక్ష్మీకి ఇన్‌స్ట్రాగామ్‌లో జగిత్యాల రూరల్‌ మండలం పొరండ్ల గ్రామానికి చెందిన బోరె విశ్వనాథ్‌ (30) పరిచయమయ్యాడు. ఇద్దరూ ప్రేమ పేరుతో ఇంటి లేచిపోయారు. పోలీసులు పిలిపించి ఇద్దరికీ కౌన్సెలింగ్‌ ఇచ్చి లక్ష్మీని భర్తకు అప్పగించారు. కానీ, లక్ష్మికి భర్తతో పొసగలేదు, మళ్లీ విశ్వనాథ్‌తో కలిసి శ్రీరాంనగర్‌కు మకాం మార్చారు.. ఆదివారం మహాశివరాత్రి సందర్భంగా విశ్వనాథ్, లక్ష్మి పెంబట్ల కోనాపూర్‌ దుబ్బరాజేశ్వరస్వామిని దర్శించుకుని జగిత్యాలకు వచ్చారు. బైపాస్‌రోడ్‌లో ఇద్దరూ నడుచుకుంటూ వెళ్తుండగా గంగాధర్‌తో పాటు అతడి బంధువులు మరో ఇద్దరు విశ్వనాథ్‌పై కర్రలతో దాడి చేశారు. తలకు తీవ్రగాయాలు కావడంతో జగిత్యాల ఆస్పత్రికి తరలించగా అప్పటికే మృతిచెందినట్లు నిర్ధారించారు. లక్ష్మీకి సైతం గాయాలయ్యాయి. ఘటన స్థలాన్ని పట్టణ సీఐ కరుణాకర్‌ పరిశీలించి విచారణ చేపట్టారు. మృతుడి తండ్రి బోరె చంద్రయ్య ఫిర్యాదు మేరకు కేసు దర్యాప్తు చేస్తున్నట్లు సీఐ పేర్కొన్నారు.