Poli Padyami 2025 : రేపు పోలి పాడ్యమి..!

పోలి పాడ్యమి కార్తీక మాసంలో వచ్చే చివరి రోజును అంటే కార్తీక అమావాస్య 2025 తర్వాత రోజును పోలి స్వర్గం లేదా పోలి పాడ్యమి అంటారు. ఈ రోజు మహిళలు తెల్లవారుజామున చెరువులు, నదులు, కోనేటిలో దీపాలు వదులుతారు. దీపదానం చేస్తారు. సాధారణంగా ఈ పోలి పాడ్యమి రోజు 30 ఒత్తులతో దీపాలు వెలిగిస్తారు. ముఖ్యంగా అరటి దొప్పలలో దీపాలు వెలిగించి నీటిలో వదులుతారు. అనంతరం మూడు సార్లు నీటిని చేతులతో తోస్తూ నమస్కరించుకుని పోలి స్వర్గం కథ వింటారు. ఈ నేపథ్యంలో పోలి పాడ్యమి 2025 తేదీ..

పోలి పాడ్యమి రోజున ఉదయాన్నే తలస్నానం చేసి, 30 వత్తుల దీపం వెలిగించాలి. దాన్ని అరటి దొప్పలలో పెట్టి పారే నీటిలో వదలాలి. తద్వారా కార్తీక మాస దీపారాధన పుణ్యం లభిస్తుందని నమ్మకం. ఆ తర్వాత శివాలయానికి వెళ్లి, శివ లింగానికి అభిషేకం చేసి ‘ఓం నమశ్శివాయ’ అనే మంత్రాన్ని జపించాలి. సాయంత్రం తులసి కోట వద్ద దీపాలు వెలిగించి, పోలి స్వర్గం కథ విని, దీపదానం చేస్తే శుభ ఫలితాలు కలుగుతాయని పండితులు చెబుతున్నారు.