Kissmis benefits : ఎండు ద్రాక్ష వల్ల ఎన్నిప్రయోజనాలో... తెలిస్తే వదిలిపెట్టరు మరి..

ద్రాక్షతో(Grape) పోలిస్తే ఎండుద్రాక్షలో(Kissmis) ఎక్కువ పోషకాలు మరియు ప్రయోజనాలు ఉన్నాయి. ఎండు ద్రాక్ష తినడం వల్ల కడుపునొప్పి, శరీరంలో వేడి(Body heat) వల్ల వచ్చే మూత్ర సమస్యలు, మలబద్ధకం(Constipation), కడుపులో పుండు, పేగుల్లో పుండు, నోటిపూత వంటివి నయమవుతాయి.

శరీర కండరాలు సంకోచం చెందడానికి మరియు విస్తరించడానికి, నరాలు ఉత్తేజితం కావడానికి మరియు గుండె క్రమం తప్పకుండా కొట్టుకోవడానికి పొటాషియం అవసరం. అటువంటి పొటాషియం పోషకాలు ఎండుద్రాక్షలో పుష్కలంగా ఉంటాయి.

ఎండుద్రాక్షలో ఐరన్(Iron) పుష్కలంగా ఉంటుంది. స్త్రీలు దీన్ని రోజూ తీసుకుంటే బహిష్టు నొప్పి తగ్గుతుంది. చర్మవ్యాధులు, రక్తహీనత వంటి సమస్యల నుంచి బయటపడేందుకు ఎండుద్రాక్ష సహాయపడుతుంది.

ఎండుద్రాక్ష తినడం వల్ల మన శరీరంలోని అన్ని కణాలకు పొటాషియం అందుతుంది. శరీరానికి అనేక ప్రయోజనాలను మరియు ఆరోగ్యాన్ని అందించే ఎండుద్రాక్షను ప్రతిరోజూ తినడానికి మిస్ చేయకండి.