Breast Cancer : రొమ్ము క్యాన్సర్‌ రోగులకు గుడ్‌ న్యూస్.. త్వరలోనే ఎఫెక్టివ్ ఇంజక్షన్..!

రొమ్ము క్యాన్సర్‌తో బాధపడుతున్న మహిళలకు IIT మద్రాసు గుడ్ న్యూస్ చెప్పింది. AUS పరిశోధకులతో కలిసి ‘కట్టింగ్ ఎడ్జ్ నానో ఇంజెక్షన్ డ్రగ్‌ డెలివరీ ప్లాట్‌ఫామ్’ను డెవలప్ చేసింది. ఈ నానో ఇంజెక్షన్‌తో యాంటీ క్యాన్సర్ డ్రగ్ ‘డోక్సోరుబిసిన్’ను నేరుగా క్యాన్సర్ కణాల్లోకి ఇంజెక్ట్ చేసే అవకాశం ఉంటుంది. ప్రస్తుత కీమోథెరపీ, రేడియేషన్ పద్ధతుల వల్ల క్యాన్సర్ కణాలతో సంబంధంలేని ఇతర భాగాలపై ప్రభావం పడుతోంది.

ఇది ఒక ప్రెసిషన్ డ్రగ్ డెలివరీ సిస్టమ్, ఇందులో సిలికాన్ నానోట్యూబ్స్ ను ఉపయోగించి, క్యాన్సర్ మందు (డాక్సోరుబిసిన్)ను నేరుగా క్యాన్సర్ సెల్స్‌లోకి ఇంజెక్ట్ చేస్తారు. ఇది IIT మద్రాస్, మోనాష్ యూనివర్సిటీ, డీకిన్ యూనివర్సిటీ (ఆస్ట్రేలియా) రీసెర్చర్లు కలిసి డెవలప్ చేశారు. ఇది నానోఆర్కియోసోమ్స్ అనే చిన్న పార్టికల్స్‌లో మందును లోడ్ చేసి, సిలికాన్ నానోట్యూబ్స్ ద్వారా సెల్స్‌లోకి పంపుతుంది.

సిలికాన్ వేఫర్ మీద ఎలక్ట్రాన్ బీమ్ లిథోగ్రఫీతో 2 మైక్రోమీటర్ పొడవు, 600 nm ఇన్నర్ డయామెటర్ ఉన్న నానోట్యూబ్స్‌ను తయారు చేస్తారు. ఒక చిప్ మీద లక్షలాది ట్యూబ్స్ ఉంటాయి. నానోఆర్కియోసోమ్స్‌లో డాక్సోరుబిసిన్ మందును ఎన్‌క్యాప్సులేట్ చేసి ట్యూబ్స్ మీద డ్రాప్ చేస్తారు. ప్రతి ట్యూబ్‌లో 3000 పార్టికల్స్ ఫిట్ అవుతాయి.

క్యాన్సర్ సెల్స్ ట్యూబ్స్ మీద సీడ్ చేస్తే, ట్యూబ్స్ సెల్ మెంబ్రేన్‌ను పంక్చర్ చేసి మందును లోపల రిలీజ్ చేస్తాయి. ఇది ఎండోసైటోసిస్ ప్రాసెస్‌ను పెంచుతుంది. మందు నేరుగా క్యాన్సర్ సెల్స్‌లోకి వెళ్తుంది, హెల్తీ సెల్స్ ను స్పేర్ చేస్తుంది. సైడ్ ఎఫెక్ట్స్ తగ్గుతాయి. ఫ్రీ డాక్సోరుబిసిన్ కంటే 23 రెట్లు తక్కువ డోస్‌తోనే ఎఫెక్టివ్‌గా పనిచేస్తుంది. ఇండియా లాంటి దేశాల్లో చికిత్స ఖర్చు తగ్గుతుంది, క్వాలిటీ ఆఫ్ లైఫ్ మెరుగవుతుంది. ఇది ఇంకా ల్యాబ్ టెస్టుల్లోనే ఉంది, 5 ఏళ్లలో క్లినికల్ యూస్‌కు వచ్చే అవకాశం ఉంది.