Toddy: పొత్తాడు (పోతు తాడు)- పర్పుతాడు (పరుపు తాడు).. ఏ కల్లు మంచిది..!

ఎండా కాలం సమీపిస్తోంది. ఎండల తాపం భరించలేక చాలా మంది కల్లు చలువనిస్తుందని, కల్లు ప్రియులు కల్లువైపు అడుగులు వేస్తుంటారు. అయితే ఈ ఎండాకాలంలో వచ్చే కల్లు ఏ చెట్ల నుంచి వస్తుంది. తాటి చెట్లలో కూడా పోతుతాడు చెట్టు, పరుపుతాడు చెట్టు అనే రకాలు ఉంటాయి. మగ చెట్టును పోతుతాడు అని, ఆడ చెట్టును పరుపుతాడు అంటారు.

పోతు తాడు (పోత్తాడు) మరియు పరుపు తాడు (ఆడ తాటి చెట్లు) కల్లు అనేవి తాటి చెట్ల నుండి తీసే రెండు రకాల కల్లు. డిసెంబర్ నుండి ఫిబ్రవరి వరకు లభించే, రుచికరమైన, ఆరోగ్యకరమైన కల్లును ఇచ్చే చెట్లను 'పోతు తాళ్లు' అంటారు. వేసవిలో లభించే, ఆడ తాటి చెట్ల నుండి తీసే కల్లును పరుపు తాడి కల్లు అంటారు, ఇది కొంచెం ఎక్కువ మత్తుగా ఉంటుంది

పోతు తాడు కల్లు (పోత్తాడి) మగ తాటి చెట్ల నుండి తీస్తారు. ముఖ్యంగా డిసెంబర్, జనవరి, ఫిబ్రవరి నెలల్లో లభిస్తుంది. ఇది చాలా తీయగా, రుచిగా మరియు ఆరోగ్యానికి మంచిదని చెబుతారు. ఈ కల్లు త్వరగా పులిసిపోదు (పులుపు ఎక్కదు) అని గౌడన్నలు చెప్తారు.

పరుపు తాడు కల్లు (పరుపు తాడి) ఆడ తాటి చెట్ల నుండి తీస్తారు. వేసవి కాలంలో ఎక్కువగా లభిస్తుంది. ఇది పోతు తాడు కల్లుతో పోలిస్తే కొంచెం ఎక్కువ మత్తును కలిగిస్తుంది. పోతు తాడు కల్లు మంచి రుచి మరియు తీపి కోసం ప్రసిద్ధి చెందితే, పరుపు తాడు కల్లు వేసవి కాలంలో లభించే సహజ సిద్ధమైన పానీయం

పొత్తాడు డిసెంబర్‌ నుంచి ఫిబ్రవరి వరకు బాగుంటది ఆ తర్వాత చప్ప పడుద్ది, ఆలోపు పరుపు తాడు కల్లు అనేది దారిలోకి తీసుకుంటే బాగుంటుంది. ఆ తర్వాత పండుతాడు కల్లు బాగుంటుంది అని చెప్తారు. ఏది ఏమైన కల్లులో క్యాన్సర్‌ను నిరోధించే లక్షణాలు ఉన్నాయని, కల్లు వల్ల కిడ్నీలో రాళ్లు కూడా పోతాయని చెప్తారు.