Bangladesh Elections: బంగాదేశ్‌లో BNC పార్టీ ఘన విజయం..!

బంగ్లాదేశ్‌ పార్లమెంట్ ఎన్నికల్లో బంగ్లాదేశ్‌ నేషనలిస్టు పార్టీ (బీఎన్‌పీ) భారీ విజయాన్ని కైవసం చేసుకుంది. మొత్తం 299 స్థానాలకు జరిగిన ఎన్నికల్లో బీఎన్‌పీ కూటమి ఏకంగా 209 స్థానాలను గెలుచుకుని క్లీన్ స్వీప్ చేసింది. 17 ఏళ్ల సుదీర్ఘ అజ్ఞాతవాసం తర్వాత స్వదేశానికి తిరిగి వచ్చిన బీఎన్‌పీ అధినేత తారిక్ రెహమాన్, తాను పోటీ చేసిన రెండు చోట్ల (బోగ్రా-6, ఢాకా-17) ఘన విజయం సాధించారు. షేక్ హసీనా ప్రభుత్వం పడిపోయిన తర్వాత జరిగిన మొదటి ఎన్నికల్లో ప్రజలు బీఎన్‌పీకి పట్టం కట్టారు. దీంతో బంగ్లాదేశ్‌ తదుపరి ప్రధానిగా తారిక్ రెహమాన్ బాధ్యతలు స్వీకరించడం ఖాయమైంది. ఈ విజయంపై భారత ప్రధాని నరేంద్ర మోదీ స్పందించి..తారిక్ రెహమాన్‌కు శుభాకాంక్షలు తెలిపారు.