Old Man Kisses Flight Attendant:ప్లైట్ అటెండెంట్‌ను బలవంతంగా ముద్దు పెట్టుకున్న ప్రయాణికుడు
అతడి ప్రతిపాదనను బాధితుడు సున్నితంగా తిరస్కరించాడు. ఈ క్రమంలో మెడపై ముద్దు పెట్టుకుంటే అభ్యంతరం లేదు కదా అని కోరడంతో.. అటెండెంట్ (attendant)అక్కడ నుంచి వెళ్లేందుకు ప్రయత్నించాడు. దీంతో అతడ్ని పట్టుకుని లాగి బలవంతంగా మెడపై ముద్దు పెట్టుకున్నాడు.
delta airlines plane
విమాన ప్రయాణంలో తప్పతాగి వికృత చేష్టలకు పాల్పడుతున్న ఘటనలు.. ఈ మధ్య కాలంలో చాలా చోటుచేసుకుంటున్నాయి. . ఇలాంటి తరహా ఘటనలు తరచూ రిపిట్ అవుతుండటంతో ప్రయాణికుల భద్రతపై ఆందోళన వ్యక్తమవుతోంది. ఈ నేపథ్యంలో తాగిన మైకంలో ఓ ప్రయాణికుడు ప్లైట్ (flight) అటెండెంట్‌ను(attendant) బలవంతంగా ముద్దుపెట్టుకున్న ఘటన అమెరికాకు చెందిన డెల్టా ఎయిర్‌లైన్స్(delta airlines) విమానంలో చోటుచేసుకుంది.
అయితే విమానాల్లో ఇటీవల ప్రయాణికుల అనుచిత ప్రవర్తనలకు అడ్డు అదుపు లేకుండా పోయింది. మద్యం మత్తులో తోటి ప్రయాణికులు, సిబ్బంది పట్ల అసభ్యంగా ప్రవర్తిస్తోన్న ఘటనలపై తీవ్ర విమర్శలు వెల్లువెత్తుతున్నాయి. రీసెంట్ గా ఓ ప్రయాణికుడు(passenger ) ప్లైట్ అటెండెంట్‌ను(attendant) బలవంతంగా ముద్దుపెట్టుకున్న ఘటన అమెరికాకు చెందిన డెల్టా ఎయిర్‌లైన్స్ విమానంలో చోటుచేసుకున్నట్టు న్యూయార్క్ పోస్ట్ కథనం పేర్కొంది. డెల్టా ఎయిర్‌లైన్స్ విమానం ఫస్ట్-క్లాస్‌లో ప్రయాణిస్తోన్న ఓ వ్యక్తి.. క్యాబిన్ క్రూ సిబ్బంది మెడపై బలవంతంగా ముద్దుపెట్టుకున్నాడని తెలిపింది. పురుష అటెండెంట్‌ను ముద్దుపెట్టుకున్న ప్రయాణికుడ్ని డేవిడ్ అలన్ బుర్క్ (61)గా గుర్తించారు.
మిన్నియాపాలిస్ నుంచి విమానం(flight)టేకాఫ్ అయ్యే ముందు నిందితుడు బుర్క్ మద్యం సేవించి ఉన్నాడు. టేకాఫ్ తర్వాత తనకు ఇంకా రెడ్ వైన్ కావాలని ప్లైట్ అటెండెంట్‌ను(attendant)కోరితే.. మరో మూడు గ్లాస్‌లు అందించారు. తర్వాత బుర్క్ పక్క నుంచి కెప్టెన్‌కు భోజనం తీసుకెళ్తుండగా.. ప్లైట్ అటెండెంట్ చేతులు లాగడంతో ట్రే కింద పడిపోయింది. మరో 10 నిమిషాల తర్వాత రెస్ట్‌రూమ్‌ కోసం తన సీటులో నుంచి లేచివెళ్లిన బుర్క్.. అక్కడే ఉన్న అటెండెంట్ దగ్గరకు వచ్చి ఆగాడు. ‘నువ్వు చాలా అందంగా ఉన్నావు.. ముద్దు పెట్టుకుంటాను’ అని చెప్పడంతో సహాయకుడు షాకయ్యాడు.
అతడి ప్రతిపాదనను బాధితుడు సున్నితంగా తిరస్కరించాడు. ఈ క్రమంలో మెడపై ముద్దు పెట్టుకుంటే అభ్యంతరం లేదు కదా అని కోరడంతో.. అటెండెంట్ (attendant)అక్కడ నుంచి వెళ్లేందుకు ప్రయత్నించాడు. దీంతో అతడ్ని పట్టుకుని లాగి బలవంతంగా మెడపై ముద్దు పెట్టుకున్నాడు. తీవ్ర అసౌకర్యానికి గురైన బాధితుడు.. పరిస్థితిని గమనించి మరో చోటుకు వెళ్లిపోయాడు. కెప్టెన్‌కు తీసుకెళ్తోన్న భోజనం కిందపడిపోయిందని, మరొకటి తీసుకెళ్లి ఇవ్వాలని తన సహోద్యోగికి చెప్పి మిగతా ఆరు గంటలు విమానం వెనుక ఉండి ప్రయాణించినట్టు ఆ కథనంలో తెలిపింది.
అప్పటికే తప్ప తాగిన నిందితుడు నిద్రపోవడానికి ముందు మరో రెండు గ్లాసుల రెడ్ వైన్ కావాలని కోరాడని వివరించింది. విమానం గమ్యస్థానానికి చేరుకున్న తర్వాత బాధితుడు ఫిర్యాదుతో బుర్క్‌ను ఎయిర్‌పోర్ట్ పోలీసులు అదుపులోకి తీసుకున్నారు. టాయిలెట్‌కు లేవలేదని, ప్లేట్ పగలగొట్టలేదని, ముద్దు పెట్టడం వంటివి తాను చేయలేదని ఖండించాడు. అయితే, విమానం ఎక్కడానికి ముందు మోతాదుకు మించి మద్యం సేవించినట్టు అంగీకరించాడు.
వికృత చేష్టలకు పాల్పడిన ప్రయాణీకుడు విమానం(flight)ఎక్కిన తర్వాత మరో మూడు గ్లాసుల రెడ్ వైన్ తాగినట్టు చేసిన ఆరోపణలను తోసిపుచ్చాడు. విమాన సిబ్బందితో అనుచితంగా ప్రవర్తించిన అతడిపై కేసు నమోదుచేసి, అరెస్ట్ చేశారు. బెయిల్ మంజూరు కావడంతో ఏప్రిల్ 27న తిరిగి కోర్టులో హాజరు కావాల్సి ఉంది.
