Pakistan PM Shehbaz Sharif : భారత్‌పై ప్రతీకారం తీర్చుకుంటాం..! పాక్‌ ప్రధాని హెచ్చరికలు..!

ఆపరేషన్ సిందూర్ పాకిస్తాన్ ప్రధాని షెహబాజ్ షరీఫ్(Shehbaz Sharif) తీవ్రంగా స్పందించాడు. అతను ఈ దాడులను "యుద్ధ చర్య" అని, "దౌర్జన్యమైన దాడి" అని, "దౌష్ట్యం" అని వర్ణించాడు. పాకిస్తాన్‌కు "తగిన జవాబు" ఇచ్చే హక్కు ఉందన్నారు. పాక్ వైమానిక దళం భారత్(Bharat) యుద్ధ విమానాలను (ముఖ్యంగా రాఫెల్, మిగ్-29, ఎస్‌యూ-30, ఒక డ్రోన్ కూల్చినట్లు వెల్లడించాడు. కానీ భారత్ ఈ వాదనలను ధృవీకరించలేదు. పహల్గామ్ ఉగ్రదాడి(Pahalgam attack)తో పాకిస్తాన్‌కు ఎటువంటి సంబంధం లేదని, భారత్ తప్పుడు కారణాలతో ఆరోపణలు చేస్తోందన్నాడు. పాక్ సైన్యానికి "తగిన చర్యలు" సుకునే అధికారం ఇచ్చినట్లు, ఈ దాడులకు ప్రతీకారం తీర్చుకుంటామని హెచ్చరించాడు. అంతేకాదు, ఈ దాడులు సామాన్య పౌరులను, మసీదులను లక్ష్యంగా చేశాయని, అంతర్జాతీయ చట్టాలను ఉల్లంఘించాయని ఆరోపించాడు. భారత్ "ఊహాజనిత ఉగ్రవాద శిబిరాలు" ఉన్నాయని తప్పుడు ఆరోపణలు చేసిందని, ఈ దాడులు పౌరులను ఉద్దేశపూర్వకంగా లక్ష్యంగా చేసుకున్నాయి అని ఒక ప్రకటన విడుదల చేశారు. షరీఫ్ తన పార్లమెంట్ ప్రసంగంలో, పాకిస్తాన్ ఒక పరమాణు శక్తి అని, సాంప్రదాయ యుద్ధ శక్తి అని, ఈ దాడులకు వీరోచితంగా (bravely) స్పందిస్తుందని చెప్పాడు.షరీఫ్ భారత్ దాడులను తీవ్రంగా ఖండించాడు, వాటిని యుద్ధ చర్యగా పేర్కొన్నాడు, ఉగ్రదాడితో పాక్‌కు సంబంధం లేదని చెప్పాడు, సైనిక, దౌత్యపరంగా గట్టి ప్రతీకారం తీర్చుకుంటామని హెచ్చరించాడు.