Pakisthan GDP: మింగ మెతుకు లేదు.. మీసాలకు సంపెంగ నూనె అంట.. పాకిస్తాన్ తీరు.. అమెరికా GDPని పాకిస్తాన్ దాటుతుందట..!

స్వచ్ఛమైన నీరు, సరైన రవాణా సౌకర్యాలు లాంటి బేసిక్‌ నీడ్స్‌ కూడా లేకుండా ఓ వైపు ప్రజలు ఇబ్బంది పడుతుంటే, పాకిస్తాన్‌ మాత్రం ప్రపంచంలో రెండో ఆర్థిక వ్యవస్థగా ఎదుగుతుందని సోషల్‌ మీడియాలో వార్తలు చక్కర్లు కొడుతున్నాయి. భారతదేశం జపాన్‌ను అధిగమించి ప్రపంచంలో 4వ అతిపెద్ద ఆర్థిక వ్యవస్థగా అవతరించింది. భారత్‌ ఈ విజయాన్ని జరుపుకుంటున్న తరుణంలో, ఇస్లామాబాద్ నుండి వచ్చిన నకిలీ వార్తలు ఇంటర్నెట్‌లో చక్కర్లు కొడుతున్నాయి.

2075 నాటికి పాకిస్తాన్ అమెరికాను అధిగమించి ప్రపంచంలో రెండవ అతిపెద్ద ఆర్థిక వ్యవస్థగా అవతరిస్తుందనే వార్తలు సోషల్ మీడియాలో వస్తున్నాయి. పాకిస్తానీలు గోల్డ్‌మన్ సాచ్స్ నుండి $52.5 ట్రిలియన్ల GDP సాధిస్తుందని.. ఒక నకిలీ నివేదికను విడుదల చేశారు. గోల్డ్‌మన్ సాచ్స్ 2075 నాటికి పాకిస్తాన్‌ను $52.5 ట్రిలియన్లతో ప్రపంచంలోనే రెండవ అతిపెద్ద ఆర్థిక వ్యవస్థగా అవతరిస్తుందని, చైనాను $57 ట్రిలియన్లతో వెనుకబడి ఉంటుందని, భారతదేశం GDPతో 30వ స్థానంలో ఉంటుందని గోల్డ్‌మన్ సాచ్స్ అంచనా వేసిందని ఒక నకిలీ నివేదికను పాకిస్తాన్‌లోని మీడియా సంస్థలు విడుదల చేశాయి. 2075 నాటికి చైనా $57 ట్రిలియన్లతో అతిపెద్ద ఆర్థిక వ్యవస్థగా అవతరిస్తుందని, భారతదేశం $2.1 ట్రిలియన్లతో 30వ స్థానంలో ఉంటుందని పాకిస్తానీయులు పేర్కొన్నారు.

అయితే ఈ వాదనలు పూర్తిగా అబద్ధమని డి-ఇంటెంట్ డేటా తెలిపింది. "గోల్డ్‌మన్ సాచ్స్ 2075 GDP ప్రొజెక్షన్ ప్రకారం, చైనా ప్రపంచంలోనే అతిపెద్ద ఆర్థిక వ్యవస్థగా అంచనా వేయబడింది, భారతదేశం సుమారు $52.5 ట్రిలియన్లతో రెండవ స్థానంలో ఉంటుందని, యునైటెడ్ స్టేట్స్ కంటే కొంచెం ముందుందని అంచనా వేయబడింది" అని డి-ఇంటెంట్‌ తెలిపింది. పాకిస్తాన్ "సుమారు $12 ట్రిలియన్ల అంచనా GDPతో ఆరో స్థానంలో ఉంటుందని" అంచనా వేయబడింది.