Joe Bidden Covid Positive : అమెరికా అధ్యక్షుడి జో బైడెన్‌కు కరోనా

అమెరికా అధ్యక్షుడు జో బైడెన్‌కు(Joe Bidden) కరోనాCorona) పాజిటివ్‌ వచ్చింది. ఆయన దగ్గు, జలుబు, స్వల్ప అనారోగ్యంతో బాధపడుతున్నారని వైట్‌ హౌస్‌(white House) సెక్రటరీ కరీన్‌ జీన్‌ పియర్‌ తెలిపారు. అంతేకాదు ఈ విషయాన్ని జో బైడెనే స్వయంగా సోషల్‌ మీడియాలో ప్రకటించారు కూడా. బైడెన్ ప్రస్తుతం డెలావేర్ సముద్ర తీరంలో ఉన్న తన ఇంట్లో ఐసోలేషన్‌ ఉన్నట్లు తెలిపారు. ఆయన కరోనా చికిత్స తీసుకుంటున్నారని, అక్కడి నుంచే బాధ్యతలు నిర్వహిస్తున్నారని తెలిపారు.

ఈ సందర్భంగా జోబైడెన్ ట్వీట్‌(Tweet) చేస్తూ ఈరోజు మధ్యాహ్నం నేనే కోవిడ్-19 టెస్టు చేయించుకున్నా. అందులో పాజిటివ్‌గా నిర్ధారణ అయింది. ప్రస్తుతానికి నేను బాగానే ఉన్నా. నా శ్రేయస్సు కోరుకునేవారందరికీ ధన్యవాదాలు.. నేను కోలుకునేవరకు అందరికీ దూరంగా ఉంటా, ఈ సమయంలో కూడా అమెరికా ప్రజల కోసం పనిచేస్తానని ఎక్స్‌లో తెలిపారు. ఎన్నికల ప్రచారంలో భాగంగా లాస్‌వెగాస్‌లో ఓ సదస్సులో పాల్గొన్నారు. ప్రసంగం కంటే ముందే పరీక్ష చేయించుకోగా అందులో పాజిటివ్‌ అని తేలడంతో వెంటనే ఆయన ఇంటికి చేరుకున్నారు. బైడెన్‌కు పాక్స్‌లోవిడ్‌ యాంటీ వైరస్‌ డ్రగ్‌ ఇచ్చినట్లు జీన్‌ పియర్‌ తెలిపారు.