HPCL Junior Executive Recruitment 2025 : రూ.లక్షన్నర జీతంతో HPCL లో జాబ్స్.. ఇలా దరఖాస్తు చేసుకోండి

ముంబయిలోని హిందూస్థాన్ పెట్రోలియం కార్పొరేషన్ లిమిటెడ్ (HPCL).. వివిధ విభాగంల్లో జూనియర్ ఎగ్జిక్యూటివ్ (Junior Executive)పోస్టుల భర్తీకి అర్హులైన అభ్యర్ధుల నుంచి దరఖాస్తులను కోరుతూ నోటిఫికేషన్‌ విడుదల చేసింది. ఈ నోటిఫికేషన్‌ కింద మొత్తం 103 జూనియర్ ఎగ్జిక్యూటివ్ పోస్టులను భర్తీ చేయనుంది. సంబంధిత స్పెషలైజేషన్‌లో డిప్లొమా ఉత్తీర్ణత గల అభ్యర్థులు ఎవరైనా దరఖాస్తు చేసుకోవచ్చు. రాత పరీక్ష, ఇంటర్వ్యూ ఆధారంగా ఎంపిక చేస్తారు. ఎంపికైన వారికి ఆకర్షణీయ జీతంతో పాటు ఇతర అలవెన్స్‌లు కూడా కల్పిస్తారు.

పోస్టుల వివరాలు ఇవే..!

జూనియర్ ఎగ్జిక్యూటివ్

మెకానికల్ పోస్టుల సంఖ్య: 11

జూనియర్ ఎగ్జిక్యూటివ్ – ఎలక్ట్రికల్ పోస్టుల సంఖ్య: 17

జూనియర్ ఎగ్జిక్యూటివ్ – ఇన్‌స్ట్రుమెంటేషన్ పోస్టుల సంఖ్య: 6

జూనియర్ ఎగ్జిక్యూటివ్ – కెమికల్ పోస్టుల సంఖ్య: 41

జూనియర్ ఎగ్జిక్యూటివ్ – ఫైర్ & సేఫ్టీ పోస్టుల సంఖ్య: 28

ఈ పోస్టులకు దరఖాస్తు చేసుకునే వారు పోస్టును అనుసరించి సంబంధిత ఇంజినీరింగ్ విభాగాల్లో మెకానికల్, ఎలక్ట్రికల్, ఇన్‌స్ట్రుమెంటేషన్, కెమికల్ లేదా ఫైర్ అండ్‌ సేఫ్టీలో 3 ఏళ్ల డిప్లొమా కలిగి ఉండాలి. లేదంటే సైన్స్‌ విభాగంలో ఏదైనా డిగ్రీలో (Degree)ఉత్తీర్ణత కలిగి ఉండాలి. వయోపరిమితి కింద దరఖాస్తు చివరి తేదీ నాటికి 25 ఏళ్లకు మించకూడదు. ఎస్సీ, ఎస్టీ అభ్యర్థులకు 5 ఏళ్లు, ఓబీసీ ఎన్‌సీ వారికి 3 ఏళ్లు, పీడబ్ల్యూబీడీ వారికి 15 ఏళ్ల వరకు వయోపరిమితిలో సడలింపు ఉంటుంది.

ఆసక్తి కలిగిన వారు ఆన్‌లైన్‌ విధానంలో మే 21, 2025వ తేదీలోపు దరఖాస్తు చేసుకోవచ్చు. దరఖాస్తు ఫీజు కింద ప్రతి ఒక్కరూ రూ.1180 చొప్పున చెల్లించవల్సి ఉంటుంది. ఎస్సీ/ ఎస్టీ/ పీడబ్ల్యూబీడీ అభ్యర్థులకు ఎలాంటి దరఖాస్తు పీజు లేదు. కంప్యూటర్ ఆధారిత రాత పరీక్ష (CBT), గ్రూప్ డిస్కషన్, టాస్క్, స్కిల్ టెస్ట్, పర్సనల్ ఇంటర్వ్యూ, మెడికల్ ఫిట్‌నెస్ ద్వారా తుది ఎంపిక ఉంటుంది. ఎంపికైన వారికి నెలకు రూ.30,000 నుంచి రూ.1,20,000 వరకు జీతంగా చెల్లిస్తారు.