Latest News : నిబ్బి.. నిబ్బా.. లవ్ ట్రాక్.. సీన్ కట్ చేస్తే ఇద్దరికీ ఓ పాప..!
ఇంటర్ చదువుతున్న బాలికకు 9వ తరగతి విద్యార్థితో ఏర్పడిన ప్రేమ చివరికి శారీరక సంబంధానికి దారితీసింది.
ఇంటర్ చదువుతున్న బాలికకు 9వ తరగతి విద్యార్థితో ఏర్పడిన ప్రేమ చివరికి శారీరక సంబంధానికి దారితీసింది. ఇటీవల ఆ బాలిక ఓ బిడ్డకు కూడా జన్మనిచ్చింది. ఈ షాకింగ్ ఘటన వనపర్తిలో చోటు చేసుకుంది. తొమ్మిదో తరగతి అబ్బాయి, ఇంటర్ మొదటి సంవత్సరం అమ్మాయి ప్రేమించుకున్నారు. శారీరకంగా దగ్గరయ్యారు. ఈ క్రమంలో ఆ అమ్మాయి ఓ పాపకు జన్మనిచ్చింది. అంతా అయిపోయాక ఆ బాలుడు తనకేమీ తెలియదంటూ తప్పించుకున్నాడు. దీంతో బాధితురాలు పోలీస్ స్టేషన్ను ఆశ్రయించింది.
వివరాల్లోకి వెళ్తే.. తెలంగాణలోని వనపర్తి జిల్లా కేంద్రానికి సమీపంలో ఉన్న ఓ గ్రామంలో ఈ ఘటన వెలుగుచూసింది. సదరు బాలిక బాలుడు కొద్ది నెలలుగా ప్రేమించుకుంటున్నారు. ఈ క్రమంలోనే బాలిక గర్భం దాల్చింది. విషయం తెలిసి పెద్దలు గ్రామంలో పంచాయితీ నిర్వహించారు. తనకేమీ తెలియదంటూ బాలుడు చెప్పాడు. దీంతో బాలిక కుటుంబీకులు వనపర్తి రూరల్ పోలీస్ స్టేషన్లో ఫిర్యాదు చేశారు. బాలిక నవంబరు 14న ఓ పాపకు జన్మనిచ్చింది. కానీ, తల్లీబిడ్డలను చూసేందుకు బాలుడు కానీ, అతడి ఫ్యామిలీ కానీ ఎవరూ రాలేదు. దీంతో శనివారం ఎస్పీకి బాలిక తండ్రి ఫిర్యాదు చేశారు. డీఎన్ఏ పరీక్ష చేయించి తమకు న్యాయం చేయాలని విన్నవించారు.
