Rent a Grandparent : ఇక నుంచి అద్దెకు 'తాతలు-బామ్మలు'

ఆధునిక యుగంలో ఉమ్మడి కుటుంబాలు కనుమరుగవుతున్నాయి. దీంతో పిల్లలకు తాత, నానమ్మ, అమ్మమ్మల ఆప్యాయత, అనుబంధం దూరమవుతున్నాయి. ఈ సమస్య అధిగమించేందుకు ఆగ్రాలోని రామ్‌లాల్ వృద్ధాశ్రమం ప్రారంభించిన 'అద్దెకు తాతయ్య, బామ్మ' సర్వీసు ప్రారంభించింది. ఇది ఆగస్టు 2025లో ప్రారంభమైన వినూత్న కార్యక్రమం. ఆధునిక యుగంలో ఉమ్మడి కుటుంబాలు కనుమరుగయ్యే సమస్యను గుర్తించి, పిల్లలకు తాతలు, అమ్మమ్మల ఆప్యాయత దూరమవుతున్న అంశాన్ని పరిష్కరించేందుకు ఈ ఆశ్రమం ఈ సర్వీసును లాంచ్ చేసింది. జపాన్‌లోని 'రెంట్-ఎ-గ్రాండ్‌పారెంట్' సిస్టమ్ నుంచి స్ఫూర్తి పొంది, భారతీయ సందర్భానికి అనుగుణంగా అమలు చేస్తున్నారు. అద్దెకు తాతయ్య, బామ్మ వల్ల అనాథ వృద్ధులకు ఆశ్రయం, ఆహారం, వైద్య సేవలు కల్పించడమే కాకుండా, వారికి కుటుంబ సభ్యుల్లా భావించే అనుభూతి కల్పించడం. పిల్లలు వీరిని తమ తాతలు, అమ్మమ్మల్లా చూసుకుని, ఆప్యాయత, కథలు, ఆటలు ద్వారా బంధాలు పెంచుకోవచ్చు.

ఈ సౌకర్యం కోసం దరఖాస్తు చేసి, తమ అవసరాలు చెప్పవచ్చు. ఆశ్రమం నుంచి ఎంపికైన వృద్ధులు, ఎవరైతే స్వచ్ఛందంగా అంగీకరించినవారు ఉంటారో వాళ్లు కుటుంబాల ఇంటికి వెళ్లి, 1-2 రోజులు లేదా వీక్లీ రోజులు గడుపుతారు. దీని ద్వారా వృద్ధులు కూడా ఒంటరితనానికి బదులు కుటుంబ ఆనందాన్ని పొందుతారు. ఆగ్రా ప్రాంతంలో వృద్ధులు, పిల్లల మధ్య బంధాలు బలహీనపడుతున్నట్టు గమనించి, జపాన్ మోడల్‌ను అడాప్ట్ చేశారు. అక్కడ ఈ సిస్టమ్ 2018 నుంచి విజయవంతంగా నడుస్తోంది, ఒంటరి వృద్ధులు, బిజీ కుటుంబాలకు సహాయపడుతోంది. గత 10-15 సంవత్సరాలుగా నడుస్తున్న ఆశ్రమం. 50 మందికిపైగా వృద్ధులకు ఆశ్రయం ఇస్తోంది. స్థానిక స్వచ్ఛంద సంస్థలు, డొనేషన్ల ద్వారా నడుపుతున్నారు. ఈ సర్వీసును ప్రారంభించడానికి జపాన్ నుంచి ఎక్స్‌పర్ట్‌ల సలహా తీసుకున్నారట.