Earthquakes Shake Telugu States:తెలుగు రాష్ట్రాలలో భూ ప్రకంపనలు.. పరుగులు తీసిన ప్రజలు

తెలుగు రాష్ట్రాల్లో పలు జిల్లాల్లో భూమి కంపించింది. తెలంగాణలోని ఉమ్మడి ఖమ్మం(Khammam), ఉమ్మడి వరంగల్‌ (warangal)జిల్లాలతో సహా హైదరాబాద్‌(Hyderabad)లో కూడా భూమి కంపించడంతో ఇళ్లలో నుంచి ప్రజలు పరుగులు తీశారు. ఆంధ్రప్రదేశ్‌(andhra pradesh)లోని ఎన్టీఆర్‌ జిల్లా, విజయవాడ, జగ్గయ్యపేటలో భూ ప్రకంపనలు వచ్చాయి. పలు ప్రాంతాల్లో బుధవారం ఉదయం 7:27 గంటలకు రెండు నిమిషాల పాటు భూమి కంపించింది. దీంతో, ఇళ్లు, అపార్ట్‌మెంట్ల నుంచి బయటకు పరుగులు తీశారు. ప్రకంపనల తీవ్రత రిక్టర్‌ స్కేలుపై 5.3గా నమోదైంది. కాగా, ములుగు జిల్లాలోని మేడారం కేంద్రంగా భూమి కంపించినట్టు అధికారులు చెబుతున్నారు. దాదాపు 20 ఏళ్ల తర్వాత తెలుగు రాష్ట్రాలలో భూమి కంపించడం గమనార్హం.హైదరాబాద్‌లోని జూబ్లీహిల్స్‌, బంజారాహిల్స్‌, బోరబండ, రాజేంద్రనగర్‌, రాజేంద్రనగర్‌ సహా రంగారెడ్డి జిల్లాలో దాదాపు ఐదు సెకన్ల పాటు భూమి కంపించినట్టు స్థానికులు చెబుతున్నారు. తెలంగాణలోని చాలా జిలాల్లో భూ ప్రకంపనలు చోటుచేసుకున్నాయి. అటు, మహారాష్ట్రలోని గడ్చిరోలిలో కూడా భూమి కంపించింది. ఖమ్మంలోకి నేలకొండపల్లి, భద్రాద్రి కొత్తగూడెంలోని చుండడ్రుగొండలో బుధవారం తెల్లవారుజామున కొన్ని సెకన్ల పాటు భూమి కంపించినట్టు ప్రజలు తెలిపారు. భూ ప్రకంపనలతో ప్రజలు ఇళ్ల నుంచి బయటకు పరుగులు తీశారు. ఉమ్మడి వరంగల్‌ జిల్లాలో కూడా భూమి కంపించింది. జయశంకర్ భూపాలపల్లి జిల్లా మొగుళ్లపల్లి మండలం రంగాపురం గ్రామంలో 10 సెకన్ల పాటు భూ ప్రకంపనలు చోటుచేసుకున్నాయి. మహబూబాబాద్ జిల్లా డోర్నకల్ నియోజకవర్గవ్యాప్తంగా స్వల్పంగా భూమి కంపించింది. దీంతో, ప్రజలు ఒక్కసారిగా భయాందోళనకు గురయ్యారు. అలాగే, కేససముద్రం, మహబూబాబాద్, బయ్యారంలో కూడా కొన్ని సెకండ్ల పాటు భూ ప్రకంపనలు చోటుచేసుకున్నాయి.