Marriage Fraud in Vijayawada : పెళ్లి పేరుతో మోసం... ఎదురుకట్నం తీసుకొని వివాహితతో మళ్లీ పెళ్లి..!

కర్నాటక కొప్పళ జిల్లాకు చెందిన జి. దుర్గాప్రసాద్ (Durga Prasad) (34)కు వివాహితతో పెళ్లి జరిపించిన ఘటన వెలుగులోకి వచ్చింది. ఈ ఘటనపై విజయవాడ కృష్ణలంక పోలీస్ స్టేషన్‌లో కేసు నమోదైంది. దుర్గాప్రసాద్, వివాహం కాకపోవడంతో స్థానిక మ్యారేజ్ బ్యూరో నిర్వాహకురాలు శ్రీదేవి (Sridevi)ద్వారా రాజమండ్రి, విజయవాడ(Vijayawada)లోని మధ్యవర్తులను సంప్రదించాడు. వారు విజయవాడకు చెందిన తాయారు అనే మధ్యవర్తిని పరిచయం చేశారు. తాయారు, పార్వతి(Parvathi), విమల(Vimala), ఆటో డ్రైవర్ అప్పారావు(Apparao)లు కలిసి కృష్ణలంకకు చెందిన పల్లవి(Pallavi) అలియాస్ ఆమని(Amani) అనే యువతిని అతనికి చూపించారు. ఆమని ఇప్పటికే వివాహమై, ఒక బిడ్డ ఉన్న మహిళ అయినప్పటికీ, ఆమెను అవివాహితగా చూపించి మోసం చేశారు. గత నెల విజయవాడ కృష్ణలంక(Krishna lanka)లోని ఒక హోటల్‌లో పెళ్లి చూపులు జరిగాయి. ఈ సందర్భంగా దుర్గాప్రసాద్ కుటుంబం నుండి రూ. 2.5 లక్షల నగదు, 3 తులాల బంగారం (Gold)వసూలు చేశారు. పెళ్లి ఒప్పందం కుదిరినట్లు చెప్పి, వధువు కుటుంబం తరఫున ఖర్చుల కోసం మరో రూ. 50,000 కూడా తీసుకున్నారు. అయితే, ఆమని ఇప్పటికే వివాహిత అని, ఆమెకు ఒక బిడ్డ ఉన్న విషయం తెలిసిన తర్వాత, దుర్గాప్రసాద్ ఫిర్యాదు మేరకు పోలీసులు తాయారు, పార్వతి, విమల, అప్పారావు, ఆమనిపై IPC సెక్షన్ 420, 406 కింద కేసు నమోదు చేశారు. పోలీసులు దర్యాప్తు ప్రారంభించి, నిందితులను అరెస్ట్ చేసే ప్రయత్నంలో ఉన్నారు. ఈ మోసం వెనుక మరిన్ని వ్యక్తుల ప్రమేయం ఉందా అని కూడా ఆరా తీస్తున్నారు