Megastar's grandson and granddaughter: మెగస్టార్‌ మనవడు, మనవరాలికి ఘనంగా నామకరణం, పేర్ల అర్థం వివరించిన చిరు

మెగాస్టార్ చిరంజీవి ఇంట మరోసారి పండగ వాతావరణం నెలకొన్న విష‌యం తెలిసిందే. రామ్ చరణ్ – ఉపాసన దంపతులు మ‌రోసారి క‌వ‌ల పిల్ల‌ల‌కు జ‌న్మ‌నివ్వ‌గా.. ఈ పిల్ల‌ల‌కు నేడు నామకరణ వేడుకను అత్యంత వైభవంగా నిర్వహించారు. ఈ వేడుక అనంతరం మెగాస్టార్ చిరంజీవి స్వయంగా తన మనవడు, మనవరాలి పేర్లను సోషల్ మీడియా వేదికగా ప్రకటిస్తూ ఆ పేర్ల వెనుక ఉన్న లోతైన అర్థాన్ని అభిమానులతో పంచుకున్నారు. మెగా కవలలకు శివ రామ్ కొణిదెల, అన్వీర దేవి కొణిదెల అనే పేర్లను ఖరారు చేసినట్లు ఆయన వెల్లడించారు. బమనవడికి శివరామ్ అని నామకరణం చేశారు. చిరంజీవి అసలు పేరైన శివ శంకర వరప్రసాద్ లో శివ ను, రామ్ చరణ్ లోని రామ్ ను కలుపుకుని శివరామ్ అనే పేరును పెట్టినట్టు తెలుస్తోంది. అంతర్గత బలం, ఆధ్యాత్మిక లోతు, నిశ్చలతను ప్రతిబింబించేలా ఈ పేరును పెట్టినట్టు చిరంజీవి తన పోస్ట్ లో వెల్లడించారు.