Software EngineerSuicide; పేరుకే సాఫ్ట్ వేర్‌ నౌకరి.. కానీ తన జీవితమంతా కష్టాలే.. 'తల్లి అనారోగ్యం'..! ఇవి తట్టుకోలేక 'యువతి' ఏంచేసిందంటే..!

ఆమె పేరుకు సాఫ్ట్‌వేర్‌ ఉద్యోగిని. మంచి జీతం. చిన్నప్పుడే తండ్రిని కోల్పోయిన వైనం. తల్లికి అనారోగ్యం, ఇంతలో పెళ్లిళ్ల కోసం వేట.. కొన్ని సంబంధాలు వచ్చినట్లే వచ్చాయి, కానీ తల్లి గురించి ఆలోచించింది. ఇన్ని కష్టాలతో ఇక తాను నెట్టుకురాలేనని జీవితాన్నే చాలించుకుంది ఈ అభాగ్యురాలు.

తల్లిని చూసుకోవాల్సిన బాధ్యత ఒక వైపు, తన భవిష్యత్తుపై నెలకొన్న సంకోచం మరోవైపు ఆమెను మానసికంగా కుంగదీసినట్లు తెలుస్తోంది. సాఫ్ట్‌వేర్ ఇంజినీర్‌గా పనిచేస్తున్న విజయలక్ష్మి (26) కొద్ది రోజులుగా తీవ్రమైన మానసిక ఒత్తిడిని ఎదుర్కొంటోంది. చిన్న వయసులోనే తండ్రిని కోల్పోయిన ఆమె.. అనారోగ్యం, వైకల్యంతో బాధపడుతున్న తల్లిని ఏళ్లుగా తానే చూసుకుంటూ వస్తోంది. ఉద్యోగ బాధ్యతలతో పాటు ఇంటి సంరక్షణ మొత్తం ఆమె భుజాలపైనే ఉండటంతో, విజయలక్ష్మి పూర్తిగా కుటుంబానికే అంకితమైంది. ఐటీ సంస్థలో ఉద్యోగం చేస్తున్న విజయలక్ష్మికి వివాహ సంబంధాలు వచ్చినప్పటికీ, కన్న తల్లిపై అపారమైన ప్రేమతో ఆమెను విడిచి వెళ్లలేక తీవ్ర మనో వేదన చెందింది. పెళ్లి అయితే తల్లిని ఎవరు చూసుకుంటారన్న భయం నెలకొంది.

పెళ్లి సంబంధాలు వచ్చినప్పటికీ తల్లిని చూసుకోవాల్సిన బాధ్యత తనపైనే ఉందని, ఇదే విషయాన్ని వచ్చిన సంబంధాలవారికి చెప్తే కొందరు అంగీకరించలేదు. వచ్చిన సంబంధాలు రిజెక్ట్ కావడం, అటు కన్న తల్లిపై అపారమైన ప్రేమతో ఆమెను విడిచి వెళ్లలేక చాలా బాధపడింది. దీంతో మనస్తాపానికి లోనైంది. ఈ క్రమంలో ఈనెల 31న తల్లికి చెప్పి అలా తిరిగి వస్తానని వెళ్లిపోయింది. నేరు హుస్సేన్‌సాగర్‌లోకి దూకి ప్రాణాలు తీసుకుంది. ఈ విషయం తెలుసుకున్న తల్లి కన్నీరుమున్నీరుగా విలపిస్తోంది. తన వెంట నన్ను కూడా ఎందుకు తీసుకెళ్లలేదు అని ఆమె ప్రశ్నిస్తూ రోదిస్తోంది. ఇది చూసి కన్నీటిపర్యంతమయ్యారు స్థానికులు.