safe search For Kids on mobiles: అలాంటివి చూస్తారని ...పిల్లల చేతికి మొబైల్ ఇవ్వాలంటే భయం వేస్తుందా ?

మారుతున్న నేటి జీవనశైలిలో, ఇంటర్నెట్ వాడకం అనేది వీపరీతంగా పెరిగింది . పెద్దలే కాదు ఈరోజుల్లో పిల్లల చేతుల్లో కూడా మొబైల్స్ కనిపిస్తున్నాయి. కరోనా కాలంలో ఇంటి నుండి చదువుకున్నప్పటి నుండి, పిల్లలలో మొబైల్స్ వాడకం ఇంకా ఎక్కువయ్యింది .ఇంటర్నెట్‌లో అన్ని రకాల కంటెంట్ అందుబాటులో ఉంది. అటువంటి పరిస్థితిలో, పిల్లల చేతిలో మొబైల్ ఉన్నప్పుడు ఒక్కోసారి చూడకూడనివి చూసే ప్రమాదం కూడా ఉంది . మొబైల్‌లో అడల్ట్ కంటెంట్‌ ను పిల్లలు తెలుసుకోలేరు కానీ ఒక్కోసారి అవి హైలైట్ అయ్యే ఛాన్సెస్ తో అనుకోకుండా వాటిపై క్లిక్ చేయటం జరిగే అవకాశాలు ఉన్నాయి . మరి అలాంటి వాటి నుండి పిల్లలను జాగ్రత్తగా ఎలా కాపాడుకోవాలి ఇప్పుడు తెలుసుకుందాం .

ఇంటర్నెట్‌లో అడల్ట్ కంటెంట్‌ను చూడకుండా మీ పిల్లల్ని తప్పించటానికి కొన్ని దారులు ఉన్నాయి . దీని కోసం, మీరు మీ ఆండ్రాయిడ్ మొబైల్‌లో Google Play రెస్ట్రిక్షన్స్ ను ఆన్ చేయాలి. ఇది పిల్లల వయస్సుకి తగిన యాప్‌లు, గేమ్‌లు ఇంకా ఇతర వెబ్ వనరులను డౌన్‌లోడ్ చేయకుండా ఆపగలదు . ఇందుకోసం ముందుగా గూగుల్ ప్లే స్టోర్‌కు వెళ్లండి. ఆ తర్వాత లెఫ్ట్ కార్నర్ లో ఉన్న సెట్టింగ్‌లకు వెళ్లండి. ఇక్కడ మీరు "Parental controls' ఆప్షన్ పై క్లిక్ చేయండి. దీని తర్వాత మీరు ఇక్కడ పిన్ సెట్ చేయమని అడుగుతుంది PIN సెట్ చేసిన తర్వాత, మీరు ప్రతి వర్గానికి స్టోర్ ఆధారిత వయస్సు రేటింగ్ ఆధారంగా రెస్ట్రిక్షన్స్ ను సెట్ చేయవచ్చు.

పిల్లల కోసం మొబైల్‌లోఅడల్ట్ కంటెంట్‌ను బ్లాక్ చేయడానికి చిట్కాలు
Chromeలో సేఫ్ సెర్చ్ ను ఆన్ చేయండి
Googleలో సేఫ్ సెర్చ్ ఫీచర్ అందుబాటులో ఉంది, ఇది ఇంటర్నెట్‌లో తప్పుడు కంటెంట్‌ను చూడకుండా నిరోధిస్తుంది. ఈ ఫీచర్‌తో, మీ పిల్లలు Google Chromeని ఉపయోగించి వారు ఎలాంటి కంటెంట్ ను అనుకోకుండా యాక్సెస్ చేయలేరు. ఈ ఫీచర్‌ని ఆన్ చేయడానికి, ముందుగా మొబైల్ లో Chromeనిఓపెన్ చేయండి . ఆ తర్వాత పైన ఉన్న రైట్ కార్నర్ లో ఉన్న త్రి డాట్స్ పై నొక్కండి. ఇక్కడ కొత్త విండోలో మీరు సెట్టింగ్ ఆప్షన్స్ చూస్తారు, దానిపై క్లిక్ చేయండి. దీని తర్వాత,ప్రైవసీ లో అడ్వాన్స్డ్ సెర్చింగ్ కి వెళ్లి సేఫ్ బ్రౌసింగ్ ఆప్షన్ ఆన్ చేయండి .

ఇదేకాకుండా ,అనేక పేరెంటల్ యాప్‌లు Google Play Storeలో కూడా అందుబాటులో ఉన్నాయి, వీటిని ఉపయోగించి మీరు ఫోన్‌ను పిల్లల విషయంలో హ్యాపీగా ఉండచ్చు . ఈ యాప్‌లు వెబ్ బ్రౌజర్‌లు, ఇన్‌స్టంట్ మెసెంజర్‌లు, గేమ్‌లు ఇంకా అప్లికేషన్‌లలో వివిధ రకాల అడల్ట్ కంటెంట్‌ను బ్లాక్ చేస్తాయి. ఇది హానికరమైన లింక్‌లను కూడా చెక్ చేస్తాయి , మీ డేటాను దేనినైనా హైడ్ చేస్తుంది అలాగే స్పైవేర్ ఇంకా బగ్‌లను కూడా గుర్తిస్తుంది.