ఆ స్టార్ కమెడియన్ జీవితంలో అంత విషాదమా..!

సినీపరిశ్రమలో ఎంతమంది కమెడియన్‌లు ఉన్నా లేడీ కమెడియన్ అనగానే మొదటగా గుర్తువచ్చేది మాత్రం కోవై సరళనే.ఒకప్పుడు ఇండస్ట్రీలో ఓ వెలుగు వెలిగిన ఈ కమెడియన్ ఇప్పుడు సినీమాలకు దూరంగా ఉంటున్నారు.ఎన్నో సినిమాల్లో నటుడు బ్రహ్మానందంతో కలిసి అలరించారు.ఇండస్ట్రీలో జంట కమెడియన్స్ అంటే వీరే. వందల సినిమాల్లో ఇద్దరు కలిసి నటించగా దాదాపు అన్ని సినిమాలు విజయంవంతం అయ్యాయి.వీళ్లిద్దరి కామెడి టైమింగ్స్ గురించి చెప్పాల్సిన అవసరం లేదు వీళ్ల మధ్య కెమిస్ట్రీ ,కామెడీ ప్రేక్షకులను ఎంతగానో ఆకట్టుకుంటుంది .వీళ్లు తెరపై కనబడితే చాలు నవ్వులే నవ్వులు.కానీ ఈ మధ్య కోవై సరళ సినిమాల్లో కనిపించడం లేదని ఈమె జీవితంలో విషాదం ఉందని వార్తలు వస్తున్నాయి.అవి ఎంత వరకు నిజమో ఇప్పుడు చూద్దాం.

సరళ తమిళనాడులోని కోయంబత్తూర్‌లో ఒక మలయాళీ కుటుంబంలో జన్మించిన ఈమెకు నలుగురు చెళ్లెండ్లు ఉన్నారు.సరళకు చిన్ననాటి నుంచే నటన మీద అమితమైన ఆసక్తి ఉంది.దాంతో చదువు పక్కన పెట్టి మరీ వెళ్లి సినిమాల్లో నటించడం మొదలు పెట్టారు. 9వ తరగతి చదువుతున్న సమయంలోనే ఆమె తొలి చిత్రం వెల్లిరధం అనే సినిమాతో సినీరంగంలోకి మొదటిసారిగా అడుగుపెట్టారు.పదో తరగతిలో ఉండగా ముంధనై ముడిచ్చు సినిమాలో 32 ఏళ్ల గర్బిణిగా నటించింది.తరువాత చిన్నవీడు సినిమాలో భాగ్యరాజా పాత్రకు తల్లిగా నటించింది.ఈమె తమిళ,తెలుగు భాషలు రెండింటిలోను నటించింది.తెలుగులో కాంచన2,కిక్,ఎలాచెప్పను,దేశముదురు,శ్రీరామచంద్రులు సినిమాల్లో నటించి తెలుగు చిత్ర పరి‌శ్రమలో కమెడియన్‌గా తనదైన ముద్ర వేసుకున్నారు.

ఈమె ప్రస్తుతం తెలుగులో ఎలాంటి సినిమాలు చేయడంలేదు.సరళ తెలుగు సినిమాలకు దూరంగా ఉండటానికి కారణం .....ఈమెకు తెలుగులో అవకాశాలు రాకనా లేదా కావాలనే దూరంగా ఉంటున్నారా అన్న విషయం ఎవరికి తెలీయదు.కానీ ఈమె పలు కోలీవుమడ్ మూవీస్‌లో మాత్రం నటిస్తూ వస్తున్నారని తాజాగా నటించిన సెంబి చిత్రం ద్వారా తెలుస్తుంది. ఈ చిత్రంలో సర‌ళ లుక్స్ చూస్తే అందరు ఆశ్చర్యపోవాల్సిందే.. ఎన్నో పాత్రలతో తన అద్బుతమైన నటనను కనపరిచిన కోవై సరళ పాత్ర కోసం తన రూపాన్నే మార్చుకుని పాత్రకు ప్రాణం పోసారు. సినిమాకు సంబందించిన ట్రైలర్‌ చూస్తే మాత్రం బడుగుబలహీన వర్గాల ప్రజలను రాజకీయ నాయకులు ఓట్ల కోసం ఎలా ప్రజలను ఎలా ఉపయోగించుకుంటారో తెలియజేయాలనే ముఖ్య ఉద్దేశంలా ఉంది.

సరళా వృత్తిపరంగా సక్సెస్ అయ్యారు కానీ వ్యక్తిగత జీవితంలో మాత్రం ఫెయ్‌ల్ అయ్యారని తెలుస్తుంది.తన కుటుంబ పరిస్దితులు దృష్టిలో పెట్టుకుని కుటుంబ భారాన్ని భుజాలపై వేసుకున్న ఈమె తన జీవితం గురించి ఆలోచించడమే మర్చిపోయారు.తోబుట్టువుల గురించి ఆలోచిస్తూ తను పెళ్లి కూడా చేసుకోలేదు.వారిని ఉన్నంతగా చదివించి విదేశాలలో స్దిరపడేలా చేసింది.కానీ ప్రస్తుతం ఈమెను పట్టించుకునే వారే కరువయ్యారు ఎవరి కోసం అయితే జీవితాన్ని త్యాగం చేసిందో వారు తిరిగి కూడా చూడటం లేదు.వెండి తెరపై నవ్వుతూ అందరిని నవ్వించిన కోవై సరళ నిజజీవితంలో ఇంత విషాదం ఉంది.