Jr.NTR serious on Fans : మా భార్యలకంటే.. మీరే ఎక్కువ.. 'అమిగోస్' ప్రీరిలీజ్ ఈవెంట్ లో ఎన్టీఆర్.!

ఎన్టీఆర్-కొరటాల శివ డైరెక్షన్ లో వచ్చిన సినిమా ’జనతా గ్యారేజ్‘. ఈ సినిమా తర్వాత ఎన్టీఆర్ తో కొరటాల సెకండ్ మూవీ చేయబోతున్నాడు. మూవీ అనౌన్స్ మెంట్ అయినప్పటి నుంచి ఫెస్టివల్ విషెస్ పోస్టర్స్ ని తప్ప మేకర్స్ నుంచి వేరే అప్ డేట్ ఏమీ రాలేదు. ఈ మూవీ గురించి అఫిషియల్ గా అప్ డేట్ వచ్చి సరిగ్గా వన్ మంత్ అవుతుంది. ఫిబ్రవరిలో షూటింగ్ వెళ్తున్నాం, ఏప్రిల్ 5న సినిమాని ప్యాన్ ఇండియా రేంజ్ లో చేస్తామని జనవరి 1న మేకర్స్ ట్వీట్ చేశారు.

అప్పటి నుంచి ఎన్టీఆర్ 30 అప్ డేట్ కోసం అభిమానులు ఎంతో ఆత్రుతగా ఎదురుచూస్తున్నారు. నిన్న అమిగోస్ ప్రిరీలీజ్ ఈవెంట్ కు ఎన్టీఆర్ చీఫ్ గెస్ట్ గా అటెండ్ అయ్యారు. అయితే ఈవెంట్ లో ఎన్టీఆర్ ని చూసిన అభిమానులు కేకలతో గోల చేశారు. ఎన్టీఆర్ మాట్లాడుతున్న టైమ్ లో ఎన్టీఆర్30 గురించి అప్ డేట్ కావాలంటూ అరిచి గోలగోల చేశారు.

సినిమా అప్ డేట్ కోసం మీ ఆరాటం, తాపత్రయం, మాపై మీకున్న అభిమానం మాకు అర్ధమవుతున్నాయి కానీ.. అప్ డేట్ అప్ డేట్ అంటూ ఇలా దర్శక నిర్మాతలపై ఒత్తిడి పెంచొద్దని, నా విషయంలోనే కాదు, మిగతా నటీనటుల విషయంలోనూ ఇలా చేయొద్దని.. అలా చేయడం వల్ల వాళ్లు తొందరపడి ఏదో ఒక అప్ డేట్ ఇస్తారు. ఇచ్చిన అప్ డేట్ నచ్చకపోతే మళ్లీ మీరే తిడతారని యంగ్ టైగర్ అన్నారు.

ఇప్పుడు మనం గ్లోబల్ నెంబర్ వన్ స్థాయిలో ఉన్నాం కాబట్టి ఒక మంచి సినిమా తీయాలని అనుకుంటాం. ఆ స్థాయికి తగ్గ సినిమాలు తీయాలని అనుకుంటాం. ఏదైనా ముఖ్యమైన అప్ డేట్ ఉంటే ‘మా భార్యల కంటే ముందు మీకే చెబుతాం’ ఎందుకంటే మీరే మాకు ముఖ్యం, ఇంపార్టెంట్ అప్ డేట్ ఉండే ఫస్ట్ మీకే చెబుతాం అంతే కానీ దయచేసి ఇలా అప్ డేట్.. అప్ డేట్ అని అడగొద్దు.. ప్రతీ రోజు ఏదోక అప్ డేట్ ఇవ్వలేమని ఎన్టీఆర్ అభిమానులకు కాస్త చురకలు అంటించారు.

ఫిబ్రవరిలో పూజా కార్యక్రమం ఉంటుందని.. మార్చి 20న షూటింగ్ స్టార్ట్ అవుతుందని, 2024 ఏప్రిల్ 5న మూవీ రిలీజ్ చేస్తామని ఎన్టీఆర్ ఆప్ డేట్ ఇచ్చారు. ఈ అప్ డేట్ తో తారక్ ఫ్యాన్ మస్తు ఖుషీగ ఉన్నారు.