Kaun Banega Crorepati: ముగిసిన కౌన్ బనేగా కరోడ్పతి.. అమితాబ్ కంట కన్నీరు..! ఉద్వేగ ప్రసంగం..!
Kaun Banega Crorepati ends.. Amitabh's eyes are in tears..! Emotional speech..!
కౌన్ బనేగా కరోడ్పతి 17 సీజన్లు ముగిశాయి. 17వ సీజన్ ముగిసిన తర్వాత అమితాబ్ ఉద్వేగానికి లోనయ్యారు. అమితాబ్ బచ్చన్కు, కౌన్ బనేగా కరోడ్పతి కేవలం ఒక టెలివిజన్ షో కాదు, ఇది ఆయనకు ఒక అలవాటు, దినచర్యగా మారింది. శుక్రవారం రాత్రి 9 గంటలకు ప్రసారమైన ప్రముఖ క్విజ్ షో గ్రాండ్ ఫినాలే, ప్రేక్షకులు మరో విజయవంతమైన సీజన్ను జరుపుకుంటున్నప్పుడు, బిగ్బీ తన భావోద్వేగాన్ని ఆపుకోలేకపోయాడు.
సీజన్ ముగిసిన కొద్ది రోజులకే, తాను తాను పనికోల్పోయినట్లుగా అనిపిస్తున్నట్లుంది అని రాసుకున్నాడు. ఇప్పుడు తనకు పనిలేదని, ఖాళీగా ఉంటున్న ఫీలింగ్లో ఉన్నానని ఆయన చెప్పుకొచ్చారు. తనకు పనిలేకపోవడం, సాగునీరు లేని బంజరుభూమిగా తాను మారినట్లు ఆయన ఉద్వేగంగా రాసుకున్నారు. ఈ ఫీలింగ్ నుంచి బయటపడాలంటే ఇప్పుడు అలసిపోయిన కాళ్ళను బయటకు తీసి కదలడానికి తన వంతు ప్రయత్నం చేయాలి" అని ఆయన రాశారు.
అంతేకాకుండా కౌన్ బనేగా కరోడ్పతి 17 చివరి ఎపిసోడ్ సందర్భంగా, అమితాబ్ హృదయపూర్వక ప్రసంగం చేశారు, అది ప్రేక్షకులను ఉత్సాహపరిచింది. దీంతో చాలా మంది ప్రేక్షకులు కన్నీళ్లు పెట్టుకున్నారు. ప్రేక్షకులకు కృతజ్ఞతలు తెలుపుతూ, తాను నిజాయితీగా వారి వద్దకు వచ్చినప్పుడల్లా, వారు తనను ముక్తకంఠంతో స్వాగతించారని అన్నారు. ఈ ప్రయాణం ప్రారంభం నుండి చివరి వరకు ప్రేక్షకులను తన అండగా నిలిచారన్నారు.
KBC 17లో ఎవరెవరు కనిపించారు?
ఈ సీజన్లో మనోజ్ బాజ్పాయ్, జైదీప్ అహ్లవత్, ఫర్హాన్ అక్తర్, జావేద్ అక్తర్, కార్తీక్ ఆర్యన్ మరియు అనన్య పాండే వంటి ప్రముఖులు అతిథులుగా పాల్గొన్నారు. ఈ షోలో అమితాబ్ మనవరాళ్ళు అగస్త్య నందా, నవ్య నందా ప్రత్యేక ప్రదర్శనలు ఇచ్చారు. సినిమా విషయానికి వస్తే, అమితాబ్ బచ్చన్ చివరిసారిగా నాగ్ అశ్విన్ దర్శకత్వం వహించిన కల్కి 2898 ADలో కనిపించారు. ప్రభాస్, దీపికా పదుకొనే, కమల్ హాసన్లతో కలిసి నటించిన బిగ్ బి అశ్వత్థామ పాత్ర ప్రశంసలను అందుకుంది. ఈ చిత్రం ప్రపంచవ్యాప్తంగా భారీ విజయాన్ని సాధించింది, ప్రపంచవ్యాప్తంగా రూ. 1,000 కోట్లకు పైగా సంపాదించింది.
