Thug Life Movie Review : కమల్‌ హాసన్' థగ్‌ లైఫ్‌ మిశ్రమ ఫలితాలు.. రివ్యూ ఇదే..!

థగ్ లైఫ్ ఈ సినిమా మణిరత్నం (Mani Ratnam)దర్శకత్వంలో కమల్ హాసన్ నటించిన తమిళ గ్యాంగ్‌స్టర్ యాక్షన్ డ్రామా, ఇది తెలుగు రాష్ట్రాల్లో కూడా విడుదలైంది. అయితే, ఈ సినిమాకు వచ్చిన రివ్యూస్‌ మిశ్రమంగా ఉన్నాయి. రంగరాయ శక్తిరాజు (Kamal Haasan) ఢిల్లీలో ఒక శక్తివంతమైన గ్యాంగ్‌స్టర్. ఒక గ్యాంగ్ వార్‌లో అమర్ అనే బాలుడిని రక్షించి, తన సొంత కొడుకులా పెంచుకుంటాడు. సంవత్సరాల తర్వాత, శక్తిరాజు జైలుకు వెళ్తాడు, అమర్ గ్యాంగ్‌ను నడుపుతాడు. కానీ, ఒక అపార్థం వల్ల అమర్ తన మెంటర్‌పై తిరుగుబాటు చేస్తాడు. ఈ రివెంజ్ డ్రామాలో ఇంద్రాణి (Trisha), జయకుమార్ రాయప్ప (Ashok Selvan), దీపక్ (Ali Fazal) వంటి పాత్రలు కూడా కీలకంగా ఉంటాయి. సినిమా 1994 నేపథ్యంలో సాగుతూ, గ్యాంగ్ రైవలరీ, ప్రతీకారం చుట్టూ తిరుగుతుంది.

కమల్ హాసన్ తన రంగరాయ శక్తిరాజు పాత్రలో అద్భుతంగా నటించాడు. ముఖ్యంగా కొన్ని సన్నివేశాల్లో సిలంబరసన్‌తో కార్ సీన్, అభిరామితో బీచ్ సీన్ అతని నటన హైలైట్.సింబు అమర్ పాత్రలో స్టైలిష్‌గా కనిపించాడు, కొన్ని సన్నివేశాల్లో అతని నటన ఆకట్టుకుంది, అయితే పాత్రకు డెప్త్ లేకపోవడం నిరాశపరిచింది. ఇంద్రాణి పాత్రలో త్రిష ఆకర్షణీయంగా కనిపించింది, ఆమె పాత్ర కొత్తగా, ఆసక్తికరంగా ఉందని కొందరు పేర్కొన్నారు, కానీ ఆమె పాత్రకు స్క్రీన్ టైమ్ తక్కువగా ఉంది. ఏ.ఆర్. రెహమాన్ (A.R. Rahman)సంగీతం, రవి కె. చంద్రన్ సినిమాటోగ్రఫీ, యాక్షన్ సీక్వెన్స్‌లు సినిమాకు బలం. సాంగ్స్, విజువల్స్ అద్భుతంగా ఉన్నాయి. మొదటి హాఫ్‌లో ఉన్న కొన్ని యాక్షన్, ఎమోషనల్ సీన్స్, అలాగే క్లైమాక్స్‌లోని ట్విస్ట్‌లు ప్రేక్షకులను ఆకట్టుకున్నాయి.

సినిమా స్క్రీన్‌ప్లే బలహీనంగా ఉందని, చాలా సన్నివేశాలు ఊహించదగినవిగా, లాగ్ అయినట్లు అనిపించాయని విమర్శలు వచ్చాయి. మణిరత్నం, కమల్ హాసన్ రాసిన కథలో డెప్త్, ఒరిజినాలిటీ లోపించిందని రివ్యూలు పేర్కొన్నాయి.సెకండ్ హాఫ్ చాలా నీరసంగా, గందరగోళంగా సాగిందని, కొన్ని సబ్‌ప్లాట్‌లు అసంపూర్తిగా మిగిలిపోయాయని విమర్శలు. సింబు, త్రిష, అశోక్ సెల్వన్, జోజు జార్జ్ వంటి నటుల పాత్రలు అండర్‌డెవలప్డ్‌గా ఉన్నాయి. నాసర్, అలీ ఫజల్ వంటి వారి పాత్రలు కూడా పెద్దగా ఇంపాక్ట్ చూపలేదు. ఎడిటింగ్ మరింత క్రిస్ప్‌గా ఉండాల్సిందని విమర్శలు. 1987లో వచ్చిన నాయకన్ స్థాయిని అందుకోలేకపోయిందని, ఈ సినిమా ఆ స్థాయి ఎమోషనల్ డెప్త్ లేదా ఇంపాక్ట్‌ను ఇవ్వలేకపోయిందని చాలా రివ్యూలు పేర్కొన్నాయి