Tollywood Star Heroes : కాంట్రవర్సీలకి తెరతీస్తున్న అగ్రహీరోల స్పీచ్‏లు.!

తెలుగు సినీ పరిశ్రమలో అగ్రహీరోల స్టేజీ స్పీచ్ లన్నీ వివాదాలకు దారితీస్తున్నాయి. వీరసింహారెడ్డి ఈవెంట్ లో బాలకృష్ణ వివాదాస్పద వ్యాఖ్యలు మరువక ముందే మరో అగ్రహీరో వివాదాస్పద కమెంట్స్ చేశారు. వాల్తేరు వీరయ్య సక్సెస్ మీట్ లో మెగాస్టార్ చిరు మాటలు కాంట్రవర్సీకి దారి తీశాయి.

ఈ చిత్రంలోని ఓ సీన్ లో చిన్న హీరో పోస్టర్ కు ఓ పెద్ద హీరో ముద్దు పెట్టారని అన్నారు. ఆ వ్యాఖ్యలు మాస్ మహారాజా రవితేజ ఫ్యాన్స్ కాస్ట నొచ్చుకునేలా చేశాయి. ఇటు చిరు ఫ్యాన్స్ కూడా ఆ మాటలను తీసుకోవడానికి ఇష్టపడం లేదు.

ఇండస్ట్రీలో స్టార్ డమ్ లో కానీ మార్కెట్ లో కాని మెగాస్టార్ దే పై చేయి. పబ్లిక్ ఈవెంట్లలో ఓ రేంజ్ ఉన్న హీరో గురించి అలా మాట్లాడకూడదని, మినిమం రెస్పెక్ ఇవ్వాలని మాస్ మహారాజా అభిమానులంటున్నారు. ఇలాంటి స్పీచెస్ తో అగ్రహీరలతో నటించేందుకు మిగతా హీరోలు ముందుకు వచ్చే అవకాశాలు తగ్గుతాయని అభిమానులు అంటున్నారు.

ఈ కమెంట్స్ చిరంజీవి అనుకోకుండా చేసినవి అయినప్పటికీ, రవితేజను చిన్నహీరోగా చూపించినట్టు ఉన్నాయని నెటిజన్లతోపాటు ఇటు చిరు, అటు రవితేజ అభినుమానులంటున్నారు.

తాజాగా బాలయ్య వివాదాస్పద వ్యాఖ్యలకు ఇటు అక్కినేని అభిమానులు కూడా మండిపడుతున్నారు. అక్కినేని తొక్కినేని కమెంట్స్ కి బాలకృష్ణ రియాక్ట్ అయిన సందర్బాలు ఉన్నాయి. ఇటు బాలయ్య బాబు, మెగాస్టార్ చిరుల కమెంట్లు నెగిటివిటీ ట్రోల్స్ కి దారి తీస్తున్నాయి. ఇకనైనా కాంట్రవర్సీలకు అగ్రహీరోలు దూరంగా ఉంటే మంచిదని నెటిజన్లు కోరుతున్నారు.