World's Richest Beggar : ప్రపంచంలోనే అత్యంత సంపన్న బిచ్చగాడు ఎవరో తెలుసా? అతడి ఆస్తి తెలిస్తే హాశ్చర్యపోతారు...!

అపర కోటీశ్వరుడు కన్నతల్లి కోసం బిచ్చగాడిగా మారడాన్ని సినిమాలో చూశాం.. కానీ బిచ్చగాడు కోటీశ్వరుడైన ఉదంతాలను ఎక్కడా చూడలేదు! ఆ మాటకొస్తే కోటీశ్వరులనగానే బిజినెస్‌మెన్‌లో, సినిమావాళ్లో, పొలిటిషియన్లో గుర్తుకు వస్తారు తప్పితే బిచ్చగాళ్లు మనకు స్ఫురించరు. అలాంటి వారు కూడా లోకంలో ఉన్నారు. బిక్షాటనను లాభదాయకమైన వృత్తిగా మార్చుకున్న వ్యక్తులు మన దగ్గర ఉన్నారు. ప్రపంచంలోనే అత్యంత సంపన్న బిచ్చగాడు ఎక్కడో కాదు, మన దగ్గర ఉన్నాడు. ఇతడి పేరు భరత్‌ జైన్‌(Bharat Jain).. ముంబాయి(Mumbai)లో ఉంటాడు. ఇతడికి 1.4 కోట్ల రూపాయల విలువైన రెండు ఫ్లాట్లు ఉన్నాయి. తన దగ్గర ఉన్న సొమ్మును షాపుల్లో పెట్టుబడి పెట్టాడు. అంతేనా .. మహారాష్ట్ర(Maharastra)లోని థానె(Thane)లో రెండు షాపులను కొన్నాడు కూడా! ఆ షాపుల ద్వారా నెలకు 30 వేల రూపాయల కిరాయి కూడా వస్తుంది. భరత్‌ జైన్‌ నికర విలు 7.5 కోట్ల డాలర్లట! తాజా లెక్కల ప్రకారం ఇతడి నెలవారీ సంపాదన లక్ష రూపాయలు ఉంటుందట! 2014 నాటికి భరత్‌జైన్‌ బిచ్చమెత్తుకుంటూ రోజుకు రెండు వేల నుంచి రెండున్నర వేల రూపాయల వరకు సంపాదించేవాడట! నెల ఇన్‌కమ్‌ 75 వేల రూపాయలు ఉండేదంటే అతగాడి ఆదాయం ఎంతో ఊహించుకోవచ్చు. ఆర్ధిక కారణాల వల్ల భరత్‌ జైన్‌ పెద్దగా చదువుకోలేకపోయాడు. అయితేనేం బోల్డంత సంపాదిస్తున్నాడు. ఇతడికి పెళ్లై ఇద్దరు కుమారులున్నారు. తన ఇద్దరు కొడుకులను చక్కగా చదివిస్తున్నాడు భరత్‌ జైన్‌. భరత్ జైన్, అతడి ఫ్యామిలీ పరేల్‌లోని డ్యూప్లెక్స్ ఇంటిలో చాలా సౌకర్యవంతంగా నివసిస్తోంది. . భిక్షాటన మానేయమని భరత్‌ జైన్‌కు ఎంత చెప్పినా వినడం లేదంటున్నారు కుటుంబ సభ్యులు.