Suraj Revanna : ప్రజ్వల్‌ రేవణ్ణ సోదరుడిపై లైంగిక ఆరోపణలు..

జేడీఎస్‌(JDS) నాయకుడు ప్రజ్వల్‌ రేవణ్ణపై(Prajwal Revanna) లైంగిక ఆరోపణల కేసు కర్ణాటకలోనే(Karnataka) కాదు, దేశమంతటా సంచలనం సృష్టించింది. మాజీ ప్రధానమంత్రి దేవెగౌడ(Dewe Gowda) మనవడు అయిన ప్రజ్వల్ రేవణ్ణను జ్యుడీషియల్‌ కస్టడీలోకి తీసుకున్న కొద్ది రోజులకే అతడి సోదరుడు సూరజ్‌ రేవణ్ణపై(Suraj Revanna) ఓ యువకుడు లైంగిక ఆరోపణలు చేశాడు. ఈ క్రమంలో పోలీసులకు లేఖ రాశాడు. అయితే దీనిపై సూరజ్ రేవణ్ణ స్నేహితుడు శివకుమార్‌ సదరు యువకుడితో పాటు మరో వ్యక్తిపై హసన్‌ పోలీసులకు ఫిర్యాదు చేశారు. శివకుమార్‌ ఏం చెబుతున్నాడంటే, 'చేతన్‌, అతని బావ ఇద్దరూ న​న్ను కలిశారు. వారు నా దగ్గర అయిదు కోట్ల రూపాయలు డిమాండ్‌ చేశారు. వారు కోరినట్లు 5 కోట్ల రూపాయలు ఇవ్వకపోతే.. సూరజ్‌ రేవణ్ణపై లైంగిక దాడి కేసు నమోదు చేస్తామని బెదిరించారు' అని శివకుమార్‌(Shiva kumar) కంప్లయింట్‌లో పేర్కొన్నాడు. చేతన్‌ అనే వ్యక్తి ముందు తనను కలిసి ఉద్యోగం ఇప్పించాల్సింగా వేడుకున్నాడని శివకుమార్‌ తెలిపాడు. అతడిపై జాలికొద్దీ తాను సూరజ్‌ రేవణ్ణ ఫోన్‌ నంబర్‌ ఇచ్చానని, అతడికి ఉద్యోగం ఇప్పించనందుకే తనతో పాటు సూరజ్‌ రేవణ్ణను బ్లాక్‌ మెయిల్ చేస్తున్నాడని శివకుమార్‌ పోలీసులకు ఫిర్యాదు చేశాడు. ఇదిలా ఉంటే ఓ ప్రైవేట్‌ ఛానెల్‌తో మాట్లాడుతూ చేతన్‌ సంచలన విషయాలు చెప్పాడు. సూరజ్‌ రేవణ్ణ తనను ఆయన ఫామ్ హౌజ్‌లో లైంగిక వేధింపులుకు గురిచేశాడని చేతన్‌ ఆరోపించాడు. ఇక.. లైంగిక వేధింపుల కేసులో ప్రజ్వల్‌ రేవణ్ణను జ్యుడీషియల్‌ కస్టడీలోకి తీసుకున్న కొన్ని రోజులకే ఓ యువకుడు అతని సోదరుడు సూరజ్‌ రేవణ్ణపై లైంగిక ఆరోపణలు రావటం రాజకీయం తీవ్ర చర్చనీయాంశం అయింది.