MadhyaPradesh News: మందలించిన పాపానికి ప్రిన్సిపాల్ ను చంపేశాడో విద్యార్థి!

ప్రవర్తన సరిగ్గా లేదని, నడవడికను మార్చుకోవాలని విద్యార్థికి చెప్పిన ప్రిన్సిపాల్ దారుణ హత్యకు గురయ్యారు. మధ్యప్రదేశ్‌(MadhyaPradesh)లోని ఛతర్‌పూర్‌ జిల్లా(Chatarpur district)లో ఉన్న ధమోరా ప్రభుత్వ ఉన్నత పాఠశాలలో ఈ దారుణమైన సంఘటన జరిగింది. వివరాల్లోకి వెళితే పన్నెండో తరగతి చదువుతున్న విద్యార్థి (17) ప్రవర్తన సరిగా లేకపోవడంతో ప్రిన్సిపాల్‌ ఎస్‌కే సక్సేనా( KS Saxena ) (55) మందలించారు. మంచి మాటలు చెప్పినా ఆ విద్యార్థి చెవికి ఎక్కించుకోలేదు. పైగా కోపం వచ్చేసింది. ఆ విద్యార్థి శుక్రవారం పాఠశాలకు రాలేదు. కానీ ప్రిన్సిపాల్‌ కదలికలను గమనిస్తూ, ఆ స్కూల్ దగ్గర దేశవాళీ తుపాకీతో ఆయన తలపై కాల్పులు జరిపాడు. దాంతో అక్కడికక్కడే కుప్పకూలి, ప్రాణాలు కోల్పోయారు. ఆయన స్కూటర్‌పైనే నిందితుడు అక్కడి నుంచి పారిపోయాడు. ఉత్తరప్రదేశ్‌ సరిహద్దుల్లో ఆ మైనర్‌ విద్యార్థిని పోలీసులు అదుపులోకి తీసుకున్నారు.